Umunya Burkina Faso witwa Marie Rose Compaore wari Visi Perezida wa kabiri w’Inteko Ishinga Amategeko muri iki gihugu yabaye umuntu wa mbere wo muri Afurika yo munsi y’ubutayu bwa Sahara uhitanwe na Coronavirus.

Sponsored Ad

Amakuru avuga ko yari afite imyaka 62 y’amavuko, akaba yari asanzwe arwaye Diabete ndetse ngo yari arembye cyane.

Mu masaha 24 ashize, iyi virus yiyongereye cyane muri Iran aho abantu bashya 1,192 bayibasanzemo, Espagne 2,804 bashya bayibasanzemo, mu Budage 715, mu Buholandi 346 no mu Bubiligi 243.

Muri Afurika, muri Afurika y’Epfo niho habonetse abanduye bashya benshi, 31, muri aya masaha 24 ashize.

Mu karere, mu Burundi, Sudan y’Epfo na Uganda nta muntu urabonekaho iyi ndwara, mu Rwanda hamaze kuboneka abantu umunani, Kenya barindwi, Tanzania batatu.

Inzira zo kwirinda ikwirakwira ry’iki cyorezo cya Coronavirus ni ukugira isuku cyane mu ntoki, kwirinda gukororera mu ruhame ku muntu ufite ibimenyetso, kugira ibicurune, kuribwa umutwe no gukorora ukihutira kugana Muganga ucyumva ko ufite ibyo bimenyetso.

Muri Burukina Faso abarwaye Covid-19 ubu ni 26 nyuma yo kugaragara bwa mbere mu mujyi wa Bobo-Dioulasso.