Kigali
startimes

Covid-19:Abashinwa 6 bashyizwe mu kato muri Uganda bagatoroka bagiye kujyanwa mu butabera

Amakuru   Yanditswe na: Martin Munezero 25 March 2020 Yasuwe: 1521

Abashinwa batandatu bafatiwe muri Uganda batubahirije amabwiriza ya leta bagatoroka akato ka Coronavirus bari bashyizwemo, bagiye kujyanwa mu butabera na Leta y’iki gihugu.


Sponsored Ad


Abo Bashinwa ni Huang Haiguiang, Li Chaochyan, Qin Shening, Liang Xinging na Huang Wei. Bafatanyije icyaha n’umugore witwa Swabu Nansuna n’umugabo we, Abdu Matovu wari utwaye imodoka yabafashije gutoroka.

Ni ibyemejwe n’Umuvigizi w’Ishami rishinzwe Iperereza ku Byaha, Charles Twine, wavuze ko n’iyo bariya Bashinwa batabasangamo Coronavirusi bagomba guhanwa n’amategeko.

Umunyamabanga wa Leta muri Minisiteri y’Ubuzima muri Uganda, Joyce Kaducu, ku cyumweru yari yabwiye The Independent ko Bariya bantu bagombaga kugezwa imbere y’urukiko rukuru rwa Nakawa muri uku kwezi kwa Werurwe. Kaducu asobanura icyaha bakoze yagize ati:

“Abashinwa batandatu bafatiwe muri Zombo bivanye mu kato iminsi 14 itaragera, bagaruwe i Kampala uyu munsi. Bazaburanishirizwa i Nakawa.”

Umuvugizi w’urwego wa CID, Charles Twine, yavuze ko babanje kohereza amaraso ya bariya Bashinwa kuri laboratwari y’igihugu ngo barebe niba baranduye Coronavirus, bakaba bategereje ibisubizo bya Minisiteri y’ubuzima mbere yo kubashyikiriza ubutabera.

Twine yavuze ko basanze ari ngombwa kugumisha bariya bantu mu kato mbere yo kubajyana ahantu hahurira abantu benshi nko mu rukiko.

Bariya Bashinwa n’abo bafatanwe bashinjwa gucika akato bari bashyizwemo ku wa 19 Werurwe muri Kibuli Hotel Africa i Kampala, batarangije iminsi 14 amategeko ateganya.

Ikirego cyatanzwe na Leta ya Uganda kivuga ko bacitse akato mu buryo butemewe n’amategeko, nyamara bazi neza ko ibyo bakoze bishobora gukwirakwiza indwara yandura ifite ingaruka mbi ku buzima bw’abantu.

Abo Bashinwa bacitse nyuma y’amasaha make Perezida Yoweri Kaguta Museveni wa Uganda atanze amabwiriza ko ingendo zinjira muri Uganda cyangwa izihasohoka zihagaritswe.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Impyisi ziba amafaranga yo kurwanya Covid-19 zigiye gukurikiranwa-Perezida...

Perezida Cyril Ramaphosa w’Afurika y’epfo yaburiye abo yise "impyisi"...
3 August 2020 Yasuwe: 628 0

Uganda: Umukanishi yagonze abana 2 bavukana barapfa ubwo yasuzumaga ko...

Umukanishi wo mu gihugu cya Uganda yishe abana babiri bavukana ubwo...
3 August 2020 Yasuwe: 1510 0

Amakuru y’ibanga agaragaza ukuntu Iran ihishira abicwa na Covid-19 yagiye...

Iperereza ry’ishami rya BBC ritangaza ibiganiro mu rurimi rw’Igiperse...
3 August 2020 Yasuwe: 1324 0

Umupolisi mukuru waherukaga gukora impanuka y’imodoka yasinze yiyahuriye mu...

Umupolisi mukur witwa Fred Amaya wo mu gihugu cya Kenya uherutse kugongesha...
2 August 2020 Yasuwe: 9129 1

Burundi: Perezida Ndayishimiye yagaragaye atwaye ijerekani anasangira...

Ku munsi w’ejo tariki ya 01 Kanama 2020,Perezida Evariste Ndayishimiye yari...
2 August 2020 Yasuwe: 6829 2

OMS yaburiye ibihugu bigize Afurika kwitondera koroshya ingamba zo kwirinda...

Ishami ry’umuryango w’abibumbye ryita ku buzima (OMS/WHO) ryaburiye ko...
1 August 2020 Yasuwe: 1247 0