skol
Kigali
startimes

Donald Trump yagaragaje agahinda gakomeye yatewe n’urupfu rwa murumuna we

Amakuru   Yanditswe na: Martin Munezero 16 August 2020 Yasuwe: 2933

Perezida Donald Trump uyoboye Leta Zunze Ubumwe z’Amerika ari mu gahinda nyuma yo gupfusha murumuna we witwa Robert Stewart Trump wapfuye mu ijoro ryo kuri uyu wa 15 Kanama 2020.


Ni nyuma yo kujyanwa mu bitaro biherereye muri New York bivugwa ko yari arembye cyane. Amakuru yemejwe n’Umuvugizi muri Perezidansi ya Amerika, Kayleigh McEnany, yavuze ko koko Robert Stewart Trump yajyanwe mu bitaro igitaraganya, gusa nta makuru arambuye yatanze.

Kuva muri Kamena 2020 ntabwo ubuzima bwa Robert Trump bwari buhagaze neza kuko icyo gihe yajyanwe mu bitaro bya ’Mount Sinai’ ahamara ibyumweru bibiri.

Apfuye nyuma y’umunsi umwe, Donald Trump amusuye mu bitaro yari arwariyemo. Uyu Mukuru w’Igihugu amaze kumenya ko murumuna we yapfuye, yatangaje agira ati:

Ndemerewe mu mutima no kubamenyesha ko murumuna wanjye mwiza, Robert yaraye apfuye. Ntabwo yari umuvandimwe gusa ahubwo yari n’inshuti. Nzamukumbura ariko tuzongera guhura. Urwibutso rwe iteka ruzampora ku mutima.

Robert Trump yamenyekanye cyane ubwo yaregaga mwishywa we, Mary Trump washakaga kumena amabanga y’umutungo w’umuryango wabo abicishije mu gitabo yise ’Too Much and Never Enough’ bisobanuye ngo ’Byinshi ariko bidahagije’. Iki gitabo cyasobanuraga Perezida Trump nk’umuntu mubi cyane ku Isi, cyaje guhagarikwa bitewe na Robert.

Umuryango wa Trump wavugaga ko igitabo cya Mary Trump cyari kinyuranyije n’amasezerano yo kutamena amabanga yashyizeho umukono afitanye isano n’amafaranga yakiriye hakemurwa ibibazo yari afitanye n’umuryango.

Robert Stewart Trump azibukirwa ku kuba yaragaragaje cyane ko ashyigikiye mukuru we, ubwo yatangazaga ko aziyamamaza mu matora y’Umukuru w’Igihugu mu 2016. Ati: “Mushyigikiye 1000/100.” Mu Gushyingo ubwo Donald yari amaze kwegukana insinzi, yagaragaye ahoberana na Robert bombi bishimye cyane.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 666 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 763 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1918 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1325 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2597 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 659 0