skol
Kigali
startimes

Evariste Ndayishimiye byavugwaga ko arwaye yagaragaye mu ruhame [AMAFOTO]

Amakuru   Yanditswe na: Dusingizimana Remy 13 June 2020 Yasuwe: 9593

Hari hashize iminsi 2 mu Burundi hari ibihuha bivuga ko Ndayishimiye arwariye mu bitaro bya BUMEREC indwara itaravuzweho rumwe aho bamwe bavugaga Covid-19 abandi bakavuga uburozi gusa kuri uyu wa Gatandatu tariki ya 13 Kamena yagaragaye muri perezidansi y’u Burundi yitwa Ntare Rushatsi.


Maj. Gen. Evariste Ndayishimiye watorewe kuyobora u Burundi, uyu munsi we n’ abayobozi bakuru b’ishyaka riri ku butegetsi CNDD FDD basinye mu gitabo cy’ubutumwa bwo gusezera kuri nyakwigendera Pierre Nkurunziza (livre d’or) kimaze gusinywamo n’abakomeye benshi mu Burundi.

General Major Evariste Ndayishimiye ari mu banyacyubahiro batinzwe kwandika muri icyo gitabo kandi yari umwe mu nshuti z’akadasohoka za Pierre Nkurunziza bitera benshi umutima uhagaze.

Benshi bumvaga ko Ndayishimiye ariwe wagombaga gufata iya mbere mu gushyira umukono muri iki gitabo cy’urwibutso mu rwego rwo guhoza umuryango wa Petero Nkurunziza hamwe n’Abarundi bose muri rusange ariko ntabwo yahise abikora ariyo mpamvu ibihuha byuko arwaye byakomeje gututumba.

Kuwa Kane tariki ya 11 Kamena 2020,umugore wa Evariste Ndayishimiye,witwa Angelique Ndayubaha yagaragaye wenyine muri perezidansi y’u Burundi, Ntare Rushatsi, bikaba byari bibaye ubwa mbere agaragaye mu ruhame ari wenyine atari kumwe n’umugabo we Evariste Ndayishimiye kuva aho bimenyekaniye ko ariwe watsinze amatora.
.
Ibinyamakuru by’I Burundi byatangaje ko Evariste ari kwitabwaho cyane kugira ngo ataba nka Petero Nkurunziza rwakubiranije.Ayo makuru akavuga ko Evariste Ndayishimiye arimo gufata imiti kandi ari koroherwa.

Kuwa 11 Kamena 2020, hateranye inama y’Abagize Guverinoma y’u Burundi yari iyobowe na visi perezida wa mbere,Bwana Gaston Sindimwo, yafatiwemo umwanzuro wo kwandikira urukiko rushinzwe kurengera itegekonshinga ko u Burundi budafite Umukuru w’igihugu hanyuma narwo rugafata indi myanzuro ishingiye ku Itegekonshinga rukamushyiraho.

Kuwa 20/08/2020,nibwo Evaritse Ndayishimiye uheruka gutsinda amatora y’umukuru w’igihugu yabaye mu kwezi gushize, yagombaga kurahira nyuma agahererekanya ububasha na Perezida Nkurunziza ariko ntabwo yabashije gukomeza kubaho ariyo mpamvu benshi bahise bibaza ugiye kuyobora inzibacyuho.

Kuri uyu wa Gatanu tariki ya 12 Kamena 2020,Urukiko rushinzwe kurengera itegekonshinga rwemeje ko Bwana Evariste Ndayishimiye agomba kurahira vuba na bwangi agatangira inshingano ze.

Uru rukiko rushinzwe kurengera itegekonshinga ry’u Burundi rwavuze ko ingingo ya 104 y’iryo tegekonshinga ivuga ko "Umukuru w’igihugu atangira inshingano ze kuva umunsi arahiriyeho.Manda ye irangira umunsi uwatowe ngo amusimbure arahiriye.

Iyo ngingo yerekana ko atari ngombwa ko Evariste Ndayishimiye watowe ategereza kurahira kandi yaratsinze amatora mu buryo budashidikanywaho.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 664 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 760 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1909 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1301 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2592 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 658 0