Kigali

Havumbuwe ukuntu umuntu yakwipima SIDA

Amakuru   Yanditswe na: Nsanzimana Ernest 18 July 2017 Yasuwe: 3912

Mu gihugu cya Uganda hagiye gutangira uburyo bushya bwo kwipima agakoko gatera SIDA. Ubushakashatsi bwagaragaraje ko ubu buryo buzafasha cyane abashakanye.

Minisiteri y’ ubuzima mu gihugu cya Uganda iravuga ko igiye korohereza abatuye iki gihugu kugerwaho n’ uburyo umuturage akoresha akamenya uko ahagaze ku bijyanye n’ ubwandu bw’ agakoko gatera SIDA.

Muri ubu buryo bushya umuturage niwe ubwe wipima akamenya niba yaranduye cyangwa niba akiri muzima. Ni uburyo budakoresha amaraso nk’ ubusanzwe bumenyerewe.

Uwipima afata agakoresha kabugenewe aba yahawe n’ abaganga cyangwa abandi babiherewe uburenganzira akagashyira mu kanya hanyuma akavoma amatembabuzi yo mu kanwa.

Iyo yanduye agakoko gatera SIDA ako gakoresho kamwereka udukoni tubiri yaba akiri muzima akabona agakoni kamwe.

Dail Monitor dukesha iyi nkuru yatangaje ubushakashatsi bwakozwe na Kaminuza ya Makerere ishami ryigisha ibijyanye n’ ubuvuzi bwagaragaraje ko igisubizo kiboneka mu minota iri munsi ya 20.

Muri ubu bushakatsi abagabo 7 mu bagabo 10 biyandikishije ngo bakorerweho ubushakashatsi nibo bemeye kwipima batatu barabyaga.

Dr Joseph Matovu, umwarimu muri Kaminuza ya Makerere wayoboye itsinda ryakoze ubu bushakashatsi yatangaje ko ubu buryo bwo kwipima agakoko gatera SIDA hifashishijwe agakoresho umuntu ashyira mu kanwa bwitwa antibody mu gihe ubusanzwe bukoreshwa bwo gupimwa agakoko gatera SIDA hafashwe amaraso bwitwa antigen.

Umuyobozi mukuru ushinzwe porogaramu yo kurwanya SIDA muri Uganda Dr Joshua Musinguzi, yavuze ko ubu buryo bwo kwipima agakoko gatera SIDA bwemewe yongeraho ko bunizewe.

Yavuze ko ubu buryo bugiye gutangira gukoreshwa muri iki gihugu cya Uganda. Ngo umugore utwite azajya ajya kwipimisha abaganga bamuhe aka gakoresho nagera mu rugo yereke umugabo we uko kwipima bikorwa.

Aka gakoresho ntabwo kari katangira gucuruzwa muri pharmacy zo muri iki gihugu.



Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Urukiko rwakatiye abaciye ibiganza abana babiri

Kuwa gatandatu tariki ya 25 Ugushyingo 2017 Urukiko Rukuru rw’Intara ya...
26 November 2017 Yasuwe: 941 0

Shisha igiye guhagurukirwa mu Rwanda bitewe n’uburozi yifitemo

Minisiteri y’ubuzima iratangaza ko hari umugambi wo guhagurukira itabi rya...
9 November 2017 Yasuwe: 1808 0

Miliyoni z’ amadorali yari gutabara abibasiwe na Ebola muri Afurika...

Umuryango mpuzamahanga utabara imbabare Croix Rouge watangajwe ko zimwe...
4 November 2017 Yasuwe: 300 0

Tanzania yatwitse inkoko zivuye muri Kenya

Inkoko zigera ku bihumbi 64 zari zinjijwe muri Tanzania zatwitse n’ushinzwe...
2 November 2017 Yasuwe: 887 0

U Butaliyani: Umugabo yanduje SIDA abagore 30 ku bushake

Umugabo wo mu Butaliyani yakoze imibonano mpuzabitsina idakingiye n’abagore...
28 October 2017 Yasuwe: 921 0

Uganda: Depite wihagaritse imbere ya Minisiteri y’imari yahanwe

Urukiko Rukuru rw’Umujyi wa Kampala rwahanishije Depite Abraham Abiriga...
24 October 2017 Yasuwe: 495 0