skol
Kigali
startimes

Ibiro bya Perezida wa Kenya byihanganishije umuryango wa Bukeko umukinnyi wa Filimi wazize Coronavirus bakamushyingura mu mabwiriza akomeye

Amakuru   Yanditswe na: Martin Munezero 20 July 2020 Yasuwe: 4413

Umukinnyi wa film uzwi cyane muri Kenya, Charles Bukeko, yashyinguwe mu rugo rwe mu burengerazuba bw’igihugu mu mabwiriza akomeye yo kwirinda Covid-19.


Bukeko wamenyekanye cyane nka “Papa Shirandula”, yapfuye ku wa gatandatu afite imyaka 58, azize ibibazo byo guhumeka.

Hari amakuru yatanzwe n’abo mu muryango we yemeza ko bari baramusanzemo Covid-19 nk’uko ibinyamakuru muri Kenya bibivuga.

Umupfakazi we yabwiye abaje kumuherekeza ko umugabo we yapfiriye mu modoka yabo bari imbere y’ibitaro bya Karen mu murwa mukuru Nairobi bategereje kwakirwa.

Mbere yo kurwara, umugore we yavuze ko yagize ukwezi kurimo ibikorwa byinshi kandi yagiye ahura n’abantu benshi.

Ibiro bya perezida wa Kenya byatangaje ubutumwa bwihanganisha umuryango wa Bukeko, bunavuga ko “azahora yibukwa ku musanzu we mu guteza imbere imyidagaduro” muri Kenya.

“Papa Shirandula” yari umugabo w’imbaraga, ukunda kwishimana n’abantu, wakinnye mu ruhererekane rw’inkuru y’amashusho yakunzwe cyane muri Kenya yitwa gutyo yacaga kuri televiziyo ya Citizen.

Ibi byamugize icyamamare kugeza ubwo amenyekana ku isi mu kwamamaza kompanyi nka Coca-Cola ndetse na FIFA.

Bamwe mu bakinnyi ba film, n’abandi bagiye mu mwuga wo gutangaza amakuru kuri Radio, bavuga ko batangiye umwuga wabo barebera kuri Charles Bukeko.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3418 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7002 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3141 0

UK: Urundi rukingo rwa Covid-19 ruratangira guterwa abantu kuva kuwa...

Urukingo rwa coronavirus rwakozwe n’abahanga bo muri kaminuza ya Oxford...
30 December 2020 Yasuwe: 3296 0

Pierre Buyoya wigeze kuyobora u Burundi yashyinguwe muri Mali

Uyu munsi nibwo mu mujyi wa Bamako,muri Mali habaye umuhango wo...
29 December 2020 Yasuwe: 5101 0

Uganda:Abantu 21 baguye mu mpanuka y’ubwato bwajyaga muri RDC

Impanuka y’ubwato mu kiyaga cya Albert kiri ku mupaka wa Uganda na...
26 December 2020 Yasuwe: 3311 0