skol
fortebet

IFOTO Y’UMUNSI: Umufasha wa Perezida Nkurunziza yafotowe yagiye gusarura ibirayi n’umuryango we [AMAFOTO]

Yanditswe: Friday 03, Jul 2020

featured-image

Sponsored Ad

Kuri uyu wa Gatanu tariki 03 Nyakanga 2020,abagize umuryango wa Nyakwigendera Nkurunziza Pierre wari umukuru w’igihugu cy’u Burundi barimo n’umufasha we Denise Bucumi bagaragaye bari mu murima bari gusarura ibirayi.

Sponsored Ad

Ibinyamakuru byo mu Burundi bivuga ko umuryango wa Nkurunziza wabonye umusaruro ungana na toni umunani z’ibirayi mu mirima yabo iri ku musozi wa rutanga mu ntara ya Ngozi muri Komini Gashikanwa.

Umufasha wa nyakwigendera Petero Nkurunziza ariwe Denise Nkurunziza yifatanyije n’umuryango we mu gusarura ibyo birayi ndetse ybwiye abanyamakuru ko nubwo baherutse kubura umukuru w’umuryango ariko imirimo yabo y’ubuhinzi n’ubworozi izakomeza.

Denise NKURUNZIZA w’imyaka 50 yavuze ko uwo musaruro bawukesha ndetse ashishikariza Abarundi kuzigama bimwe mu byo basaruye ntibabimarire mu masoko.

Kuwa 26 Kamena 2020,nibwo habaye umuhango wo gusezera bwa nyuma nyakwigendera Petero_Nkurunziza wayoboye igihugu c’Uburundi imyaka 15 yose ndetse anashyingurwa mu cyubahiro.

Perezida Nkurunziza yatabarutse kuwa 08 Kamena 2020,azize guhagarara k’umutima mu bitaro bizwi nka Hôpital du cinquantenaire Natwe Turashoboye bya Karusi.

Nyuma y’urupfu rwa Perezida Nkurunziza,uyu mufasha we yatumiye abo basengana mu rugo rwe i Bujumbura kugira ngo bafatanye gusenga,ababwira ko akimara kumenya iby’urupfu rw’umugabo we yahise apfukama ashima Imana ko ariyo yamuremye ari nayo yemeye ko atabaruka.

Madamu Nkurunziza yifashishije ijambo riri mu rwandiko Pawulo yandikiye Abefeso,yabwiye abo bari kumwe abakiristu bakwiriye gushimira Imana no mu bihe bigoye.

Denise Nkurunziza yagize ati: ”Igihe bamenyesheje ko Nkurunziza vyarangiye, naradugije ibiganza kuko amavi yari yamvuyeko hama ndavuga nti: Mana uhoraho ndagushimiye kuba uretse ibishikiye Nkurunziza bikaba. Niryo jambo rya mbere ryansohotse mu kanwa, nizo nkomezi zanje, inkota yanje imfasha kwihangana.

Mpagaze hano nkomeye ndi gushima Imana.Iyo ikintu kibaye mpita mfukama ngashima Imana...Nkumva nuzuye inkomezi.Bakimara kubimbwira narashimye Imana,ndashima Imana kuko yemeye ko biba.Ndagushimira kuko wari ufite ububasha bwo kumugira muzima.Wari ufite ububasha bwose bwo kumwongerera iminsi yo kubaho nkuko nanje wayinyongereye.Njewe nari ndembye kumusumvya,ariko ko uretse ngo agende navyo ndabigushimiye..."

Pierre Nkurunziza yavutse tariki ya 18 Ukuboza mu mwaka wa 1963 i Bujumbura, amashuri abanza yayize i Ngozi. Se, Eustache Ngabisha, yatorewe kuba umudepite mu 1965, nyuma yaje kaba guverineri mu ntara ebyiri nyuma y’uko ahitanwa n’intambara yo mu 1972 yahitanye abarundi ibihumbi 400.

Nkurunziza yarerewe i Ngozi ndetse niho yatangiriye amashuri abanza hanyuma ayisumbuye ayigira Athénée muri Gitega.

Pierre Nkurunziza yatorewe kuba Perezida wa Republika y’Uburundi n’inteko y’abadepite tariki 19 Kanama 2005 arahira kuri 26 Kanama 2005.

Kuba Nkurunziza yarakuriye i Ngozi birashoboka ko ari nayo mpamvu yahisemo kuhahinga cyane ko bivugwa ko ahafite isambu nini.



Ibitekerezo

  • Ni vyiza cane gushimira Imana mu vyiza no mu bibi kuko uba umaramaje satani Imana imikomeze uwo muvyeyi .

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa