Kigali

Indege ya Ukraine yarimo abantu 180 yakoreye impanuka muri Iran abagenzi bose barapfa [AMAFOTO]

Amakuru   Yanditswe na: Dusingizimana Remy 8 January 2020 Yasuwe: 3856

Indege y’ igihugu cya Ukraine yo mu bwoko bwa Boeing 737-800 yari itwaye abantu 176 n’abapilote bayo yakoreye impanuka mu gihugu cya Irani hafi y’ikibuga cy’indege nk’uko bitangazwa n’ibinyamakuru byo muri ico gihugu.



Televiziyo y’igihugu cya Iran yavuze ko nta muntu n’umwe warokotse muri iyi mpanuka y’indege yabaye kuri uyu wa 08 Mutarama 2020,irimo abagenzi biganjemo abanya Iran.

Ibinyamakuru byo muri Iran bivuga ko iyi ndege yaguye mu gisambu hafi y’ahitwa Parand mu majyepfo ashyira uburengerazuba bw’umujyi wa Tehran,nyuma y’iminota mike ihagaurutse.

Umuvugizi wa Minisiteri y’imihanda no gutwara abantu muri Iran,Qassem Biniaz,yavuze ko umuriro wadutse muri moteri imwe y’iyi ndege,pilote wayo ananirwa kuyiyobora birangira ikoze impanuka.



Amakuru ya mbere yavuze ko abantu 180 aribo bari muri iyi ndege gusa andi aravuga ko ari abantu 176.

Umunyamakuru wa Associated Press wageze aho iyi ndege yaguye,yavuze ko yahise isandara ndetse ko ibisigazwa byayo byandagaye hirya no hino mu murima yaguyemo.

Nkuko abashinzwe urugendo rw’izi ndege babivuze,iyi ndege yagombaga guhaguruka i Tehran mu gitondo saa 5:15 (01:45 GMT),yerekeza mu mujyi wa Kyiv ariko urugendo rwakereweho isaha ihaguruka saa 6:12 za mu gitondo.



Ibiro ntaramakuru byo muri Irani, Fars, bivuga ko iyo ndege ya kompanyi y’indege ya Ukraine, Ukraine International Airlines, yakoze impanuka hashize umwanya muto ihagurutse ku kibuga cy’indege cya Irani, Imam Khomeini.

Ntawe uzi niba haba hari isano ry’iyi ndege n’umwuka mubi hagati ya Irani na Leta Zunze Ubumwe za Amerika.

Amakipe y’ubutabazi yoherejwe ahabereye iyi mpanuka hafi y’icyo kibuga cy’indege ariko iyi ndege ngo yahise ishya ikimara kugera hasi.

Iyi Boeing 737-800 biravugwa ko yakoze impanuka kubera ibibazo tekiniki yagize nkuko Ali Khahshani ushinzwe itangazamakuru kuri iki kibuga cy’indege yabivuze.

Umuvugizi w’ikigo cya Iran gishinzwe ubutabazi, Mojtaba Khaledi,yavuze ko bohereje imbangukiragutabara nyinshi aho iyi ndege yaguye ariko ngo nta cyizere ko hari uwarokotse.

Yagize ati “Indege iri gushya ariko twohereje amakipe y’ubutabazi,wenda turabasha gutabara bamwe mu bagenzi.”

Video yashyizwe ku rubuga rwa ISNA yagaragaje iyi ndege iri kugurumana nyuma yo kwitura hasi.

Perezida Volodymyr Zelenskiy wa Ukraine yihanganishije imiryango yaburiye abayo muri iyi mpanuka.

Abakozi bo ku kibuga cy’indege cya Boryspil airport I Kyiv, babwiye Associated Press ko abagenzi bari muri iyi ndege ari abanyeshui bo muri Iran bari bagarutse muri Ukraine nyuma y’ibiruhuko by’iminsi mikuru.Boeing yavuze ko iratanga amakuru arambuye nyuma.





Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Botswana: Inteko ishinga amategeko yose yashyizwe mu kato kubera guhura...

Abadepite bose 57 ba Botswana bagomba kujya mu kato mu gihe cy’iminsi 14...
10 April 2020 Yasuwe: 455 0

Covid 19:Perezida Museveni yateye pompaje 30 mu rwego rwo gushishikariza...

Perezida wa Uganda Yoweli Kaguta Museveni yaciye ibintu ku mbuga...
9 April 2020 Yasuwe: 3717 0

Umugore washyize hanze umubano wa perezida Clinton n’umukobwa wimenyerezaga...

Umukozi wa leta wavuze bwa mbere iby’urukundo rw’ibanga hagati ya Perezida...
9 April 2020 Yasuwe: 4740 0

Umujyi wa Wuhan watangiriyemo COVID-19 abaturage basubiye mu buzima...

Igihugu cy’Ubushinwa cyatangaje kuri uyu wa kabiri ko itegeko cyari...
8 April 2020 Yasuwe: 5342 0

Coronavirus yakoze umuhigo ukomeye wo kwica abantu benshi cyane ku munsi...

Muri Leta zunze ubumwe za Amerika coronavirus yishe abantu 1,736 mu gihe...
8 April 2020 Yasuwe: 8413 1

Burundi: Abantu 4 barafunzwe bazira kunanirwa kwishyura Hoteli baherewemo...

Abarundi bane barimo abagabo batatu n’umugore umwe bafungiwe mu kasho...
7 April 2020 Yasuwe: 3800 1