Indwara ya Zika yagaragaraye muri Angola

12 January 2017. | Ubuzima | 0 Ibitekerezo | Nsanzimana Ernest
  • Indwara ya Zika yagaragaraye muri Angola

Leta y’ igihugu cya Angola yatangaje ko imaze kubona abantu babiri banduye Virus ya Zika.

Minisitiri w’ ubuzima wa Angola, Jose Luis Gomes Smabo yabwiye ibiro ntaramakuru by’ Abongereza Reuters ko mu mezi abiri ashije iyi virus itari yakageze muri iki gihugu.

Yagize ati "Kuva mu mezi abiri ashize, nta muntu n’umwe wari afite Zika, ariko ubu dufite abantu babiri, ni ngombwa ko turushaho kwirinda cyane cyane tukirinda kurumwa n’ imibu"

Zika igaragaraye muri Angola mu gihe mu mpera z’ umwaka ushize wa 2016, Dr. Mwele Malecela wari umuyobozi w’ ikigo gishinzwe ku ndwara muri Tanzania yatangaje ko Zika yagaragaye muri Tanzania, Leta ikabyamaganira kure ndetse agahita aneguzwa kuri uyu mwanya.

Ku ikubitiro Virus ya Zika yumvikanye mu gihugu cya Brezil muri 2015. Ni virus iterwa n’ umubu. Nyamara abashakashatsi baje kugaragaza ko Vika ishobora kwandurira no mu mibonano mpuzabitsina idakikingiye.

Virus ya Zika igira ingaruka cyane kubana aho umwana uyifite avukana umutwe mutwe motoya.

Tanga Igitekerezo