Kigali

Iran yashyize yemera ko yarashe itabishaka indege ya Ukraine yaguyemo abantu 176

Amakuru   Yanditswe na: Dusingizimana Remy 11 January 2020 Yasuwe: 2498

Igisirikare cya Irani cyemeje ko cyarashe "kitabishaka" ya ndege ya Ukraine yari itwaye abagenzi 176, nk’uko bivugwa na televiziyo ya leta ya Irani.



Iryo tangazo rivuga ko "habayeho kwibeshya" nyuma y’aho iyo ndege yarimo igenda hejuru hafi y’ikigo cy’ingabo zishinzwe kurinda ubutegetsi bwa kislamu, bayirasa bazi ko barashe indege ya Amerika yari ije kubarasa.

Irani yari yahakanye ibyavugwaga ko imwe muri misile zayo ariyo yarashe iyi ndege hafi y’umurwa mukuru, Tehran, ku wa gatatu.

Amakuru yavuye mu iperereza rya Amerika na Canada yakomeje kwerekana ko Irani ariyo yarashe iyo ndege, bitewe no kwibeshya.



Iyi ndege ya kompanyi ya Ukraine yarashwe nyuma y’amasaha make Irani iteye ibisasu bya misile ku birindiro bibiri by’ingabo za Amerika muri Iraq.Abagenzi 176 bari bayirimo nta n’umwe warokotse.

Irani yateye ibyo bisasu mu guhorera umuyobozi mukuru mu gisirikare cya Irani,Gen.Qasem Soleimani wishwe na drone y’abanyamerika ku wa 03 Mutarama 2020.

Ibinyamakuru bya Amerika byatangaje ko Irani yarashe iyo ndege yibeshye kuko yaketse ko Amerika ishobora kubasubiza kuri ibyo bitero yari imaze kugaba.



Abicishije kuri Twitter kuri uyu wa Gatandatu, Minisitiri w’Ububanyi n’Amahanga wa Irani, Mohammad Javad Zarif, yavuze ko "imyitwarire ya Amerika" ariyo yatumye iyo ndege iraswa.

Kuwa Kane, amashusho yagaragaye kuri televiziyo aturutse aho impanuka yabereye, yerekanye ko hari misile yarashe iyi ndege ya Ukraine gusa Irani yabanje kubihakana.

Ejo ku wa gatanu, Minisitiri w’ububanyi n’amahanga wa Canada Francois-Philippe Champagne yabwiye Irani ko "amahanga arimo arayireba", ndetse ayimenyesha ko imiryango y’ababuze ababo "ikeneye kumenya ukuri".

Mbere y’aho, Minisitiri w’intebe wa Canada, Justin Trudeau, yatangaje ko yabonye amakuru yizewe yemeza ko iyo ndege ishobora kuba yarashwe n’igisasu cya misile cya Irani.

Video yahawe ikinyamakuru The New York Times irasa n’iyerekana igisasu cya misile cyaturikije iyo ndege.

Itangazo Leta ya Irani yashyize hanze rivuga ko abarashe iyo ndege bagomba gukurikiranwa.Yasabye imbabazi ababuriye ababo muri iyi mpanuka kubera amakosa y’abashinzwe ubwirinzi bwayo ndetse ivuga ko bagiye gukosora imikoreshereze ya Systems zayo kugira ngo ikosa nk’iri ntirizongere kubaho.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Coronavirus yakoze umuhigo ukomeye wo kwica abantu benshi cyane ku munsi...

Muri Leta zunze ubumwe za Amerika coronavirus yishe abantu 1,736 mu gihe...
8 April 2020 Yasuwe: 6620 1

Burundi: Abantu 4 barafunzwe bazira kunanirwa kwishyura Hoteli baherewemo...

Abarundi bane barimo abagabo batatu n’umugore umwe bafungiwe mu kasho...
7 April 2020 Yasuwe: 3688 1

#Kwibuka26: UN yifatanyije n’Abanyarwanda Kwibuka jenoside yakorewe...

Kuri uyu wa 07 Mata 2020 isi yose izirikana Jenoside yakorewe Abatutsi,aho...
7 April 2020 Yasuwe: 533 0

Coronavirus:Minisitiri w’intebe w’Ubwongereza arembeye mu bitaro

Minisitiri w’intebe w’Ubwongereza Boris Johnson yashyizwe mu bitaro...
7 April 2020 Yasuwe: 1656 0

Abanya Uganda ntibavuga rumwe kw’isubukurwa ry’amasomo mu bihe bidasanzwe bya...

Ku mbuga nkoranyambaga, Abanya-Uganda batangaje ibitekerezo bitandukanye...
6 April 2020 Yasuwe: 4280 1

Kenya: Hakajijwe ingamba zo kwirinda COVID-19 aho nta wemerewe kwinjira no...

Perezida Uhuru Kenyatta amaze gutangaza ingamba nshya zizamara iminsi 21,...
6 April 2020 Yasuwe: 1353 0