skol
fortebet

Isiraheli iri munzira yo kumurikira Isi urukingo rwa Coronavirus bamaze kuvumbura

Yanditswe: Friday 20, Mar 2020

Sponsored Ad

skol

Nk’uko bitangazwa n’ibinyamakuru bitandukanye cyane ibyandikira i Yeruzalemu muri Isiraheli, biteganyijwe ko abahanga kabuhariwe mu byo kuvumbura imiti n’inkingo bo mu gihugu cya Isiraheli mu minsi micye iri imbere ko baba barangije gutegura urukingo rwa coronavirus nshya COVID-19.

Sponsored Ad

Nk’uko tubikesha kinyamakuru kizobereye mu kwandika inkuru zicukumbye, “Ha’aretz” cyo muri Isiraheli, ngo abahanga mu kigo cya Isiraheli gishinzwe ubushakashatsi ku binyabuzima (Israel’s Institute for Biological Research) , bagenzurwa n’ibiro bya Minisitiri w’intebe w’iki gihugu ubwe, baherutse gutera intambwe igaragara mu gusobanukirwa imikorere n’imiterere ya virusi yamenyekanye nka Coronavirus.

Izi nzobere kandi zivuga ko zamaze gusuzuma neza ubushobozi umubiri w’umurwayi wa coronavirus ufite mu gukora abasirikari b’umubiri (antibodies) bwarwanya iyi virusi.

Raporo y’iki kigo ikomeza ivuga ko inzira isanzwe yo kuvumbura umuti cyangwa urukingo isaba urukurikirane rw’ibizamini n’ubushakashatsi bishobora kumara amezi menshi mbere yuko urukingo rufatwa nk’urukingo rwizewe rwakoreshwa mu buvuzi.

Gusa minisiteri y’Ingabo y’iki gihugu ubwo yabazwaga aho ikorwa ry’uru rukingo rugeze,yasubije ikinyamakuru Ha’aretz iti

“Nta terambere ryigeze rigaragara mu mbaraga z’ikigo zo gushaka urukingo rwa coronavirus cyangwa guteza imbere ibikoresho byo kuyipima. Ibikorwa by’iki kigo bikorwa hakurikijwe gahunda y’akazi kandi bizatwara igihe. Niba kandi hari igihe hazaba hari ikintu cyo gutangaza, bizakorwa mu buryo buteganyijwe .”

Iki kigo “ The biological institute ” kirazwi cyane ku isi, gifite abashakashatsi n’abahanga bafite uburambe n’ubunyamwuga, bafite ubumenyi n’ibikorwaremezo bifite ireme. Ubu gicumbikiye abahanga barenga 50 b’inararibonye bakorera muri iki kigo ku bushakashatsi no guteza imbere umuti n’ubuvuzi kuri virusi , byongeyeho.

Ikigo cy’ubushakashatsi ku binyabuzima, giherereye mu mujyi wa Nes Tziona rwagati muri Isiraheli, cyashinzwe mu 1952 mu rwego rw’ubumenyi bw’ingabo z’igihugu cya Isiraheli, nyuma kiza kuba umutungo w’abasivili, ubu iki kigo kiri kugenzurwa mu bya tekiniki n’ibiro bya Minisitiri w’intebe, ariko biri kuvugana cyane na Minisiteri y’ingabo, nk’uko raporo ibigaragaza.

Bivugwa ko Minisitiri w’intebe Benjamin Netanyahu yari yategetse iki kigo gukoresha akayabo k’amafaranga kugira ngo hategurwe urukingo rwa Covid-19 ku ya 1 Gashyantare.

Inzira isanzwe yo gukora urukingo isaba inzira ndende yo kubanza kurupimira ku nyamaswa, hagakurikiraho ibizamini byo kwa muganga. Ikinyamakuru kivuga ko iki gihe ari ingenzi mu gutahura ingaruka zose no kumva neza uburyo abarwaye batandukanye bagira ingaruka zaturuka kuri urwo rukingo.

Ariko kubera icyorezo cya coronavirus gikomeje koreka imbaga hirya no hino ku Isi, bishoboka ko hakwihutisha iki gikorwa hagamijwe gukingira abantu benshi bafite ibyago byinshi byo kwandura iyi virusi.

Urubuga rukunzwe cyane muri Isiraheli, Ynet, ruherutse gutangaza ko hoherejwe amapaki (samples) atanu ya Coronvirusi byageze muri Isiraheli bivuye mu Buyapani, Ubutaliyani ndetse no mu bindi bihugu. Bavuze ko byazanwe muri iki kigo bicungiwe umutekano ku buryo bukomeye na minisiteri y’ingabo umutekano, kandi byari bakonjeshejwe kugeza kuri dogere selisiyusi 80 munsi ya zero.

Ngo guhera icyo gihe hatangiye imirimo ikomeye mu gukora urwo rukingo . Abahanga bemeza ko igihe gikenewe kugira ngo urukingo rutangire gukoreshwa, kiva ku mezi make kugeza ku mwaka n’igice.

Amakipe menshi y’ubushakashatsi kw’Isi akomeje guhiganwa no gutanguranwa gutegura urukingo rwa COVID-19, aho usanga benshi muri bo bibanda cyane ku kuntu iyi virusi yigaragaza mu nyamaswa, imbogamizi nini bafite akaba ari uburyo ihinduka iyo ivuye mu nyamaswa ikajya mu bantu.

Ubushinwa bwashyize ahagaragara urukurikirane rw’imiterere ya virusi (DNA sequence) ku bubiko bwa siyansi ifunguye nyuma gato yo gutangira muri Mutarama, kugira ngo ibigo by’ubushakashatsi n’amasosiyete y’ubucuruzi bigerageze guteza imbere imiti n’urukingo by’iyi virusi mu buryo bworoshye.

Ha’aretz yatangaje ko nyuma y’ukwezi kumwe n’igice urwo ruhererekane rw’irondakoko (DNA sequence) rushyizwe ahagaragara, sosiyete Moderna Inc, isanzwe ikora ibijyanye n’ibinyabuzima ifite icyicaro i Boston, muri Leta ya Massachussets, yatangaje ko yarangije gutegura urukingo rwa coronavirus.

Raporo ivuga ko uru rukingo rwoherejwe mu kigo cy’igihugu cya Leta zunze ubumwe z’Amerika gishinzwe kurwanya indwara zandura, isuzuma rya nyuma kuri uru rukingo rikaba riteganyijwe kurangira muri Mata.

Ikinyamakuru kivuga ko urukingo urwo ari rwo rwose ruzategurirrwa muri Isiraheli ruzakenera nanone kunyura mu nzira nk’izi cyangwa zikomeye kurushaho mbere yuko rwemererwa gukoreshwa.

Ibitekerezo

  • How eka tubasabire byihute pe.

    How eka tubasabire byihute pe.

    Akimuhana kaza imvura ihise, dukomeze ingamba zokwirinda COVID 19 twongera isuku, gukurikiza amabwiriza yose yo Kurwanya ubwandu bw’iki kyorezo ariko tunakomeza gusenga cane ngo umuti nurukingo biboneke vuba.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa