skol
Kigali
startimes

Koreya ya ruguru yishimiye ko yatsinze Coronavirus yabonye umurwayi wa mbere

Amakuru   Yanditswe na: Dusingizimana Remy 26 July 2020 Yasuwe: 1257

Koreya ya ruguru yatangaje uwo ivuga ko ari umuntu wa mbere icyeka ko yanduye coronavirus.

Igitangazamakuru KCNA cya leta ya Koreya ya ruguru cyatangaje ko umuntu wari waratorotse akajya muri Koreya y’epfo mu myaka itatu ishize, mu cyumweru gishize yagarutse mu gihugu anyuze mu karere k’umurongo ubigabanya, akaba afite ibimenyetso bya Covid-19.

Kim Jong-un, umutegetsi mukuru w’iki gihugu, yakoresheje inama y’ako kanya hamwe n’abategetsi bakuru, ategeka ko akarere k’umujyi wa Kaesong uri ku mupaka gashyirwa muri gahunda ya ’guma mu rugo’.

Koreya ya ruguru - igihugu kizwiho kubaho ubuzima bwo mu ibanga rikomeye - mbere yari yatangaje ko nta muntu n’umwe wanduye Covid-19 uharangwa, ibyo abasesenguzi bavuga ko ari ibintu bisa nk’ibidashoboka.

Igitangazamakuru KCNA cyagize kiti:

"Habaye igikorwa cyihutirwa mu mujyi wa Kaesong aho umuntu wari waragiye mu majyepfo mu myaka itatu ishize, umuntu ucyekwa ko yanduye virusi yagarutse ku itariki ya 19 y’ukwezi kwa karindwi nyuma yo kwambuka umurongo w’umupaka mu buryo bunyuranyije n’amategeko".

Mu nama yabaye ejo ku wa gatandatu y’abagize biro nkuru ya politike y’ishyaka riri ku butegetsi, Bwana Kim yategetse ko hafatwa "ingamba zihutirwa zikaze cyane ku kigero cyo hejuru gishoboka" mu rwego rwo guhashya iyi virusi.

Igitangazamakuru KCNA cyongeyeho ko Bwana Kim yanatangije iperereza ku kuntu uwo muntu yashoboye kwambuka uwo mupaka urinzwe bikomeye, aburira ababigizemo uruhare ko hari "igihano gikaze" kibategereje.

Ku rundi ruhande, mu minsi ya vuba ishize Koreya ya ruguru ntiyigeze itangaza amakuru n’amwe yuko hari umuntu wambutse umupaka mu buryo bunyuranyije n’amategeko.

Kuva mu mezi atandatu ashize ubwo coronavirus yakwiraga mu bice bitandukanye ku isi, Koreya ya ruguru yafunze imipaka yayo ndetse ishyira mu kato abaturage babarirwa mu bihumbi.

Mu ntangiriro y’uku kwezi kwa karindwi, Bwana Kim yashimagije "intsinzi ikomeye" y’iki gihugu mu guhangana na Covid-19.

Inkuru BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2087 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 689 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 684 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 800 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1957 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1337 0