addresiya
Kigali
startimes

Madagascar iramurika umuti wa Coronavirus ukoze mu bimera

Amakuru   Yanditswe na: Martin Munezero 20 April 2020 Yasuwe: 6018

nyuma yuko ku isi yose abashakashati bari gukora amanywa n’ijoro bagerageza kubona umuti n’urukingo rw’icyorezo cya Coronavirus, Perezida wa Madagascar, Andry Rajoelina, yatangaje ko igihugu cye cyateye intambwe y’ibanze mu rugamba rwo gushaka umuti wa Coronavirus.



Ni amakuru Perezida Rajoelina yemeje ubwe, aho yavuze ko uyu muti ukoze mu bimera gakondo byo muri kiriya gihugu uza kumurikwa kuri uyu wa mbere. Perezida Rajoelina yagize ati:

Ejo Madagascar izamurika CVO cyangwa Covid-Organics, umuti ugizwe na Artemisia n’ibimera by’imiti bya Madagascar nyuma y’ubushakashatsi bwa siyansi bwakozwe na IMRA (Ikigo cya Madagascar gishinzwe gukora ubushakashatsi.) Igerageza rya mbere ry’umuti ritanga ikizere, intambwe ya mbere itewe.

Perezida Rajoelina yavuze ko igeragezwa ryatangiye gukorerwa ku barwayi bo muri kiriya gihugu guhera ejo ku cyumweru ritanga ikizere.

Bijyana no kuba igihugu cye buri mwaka kiza ku isonga muri Afurika, mu gutunganya umuti wa Artemisia ufite ubuziranene, wifashishwa mu kuvura malariya n’umuriro.

Rajoelina auga ko ikimera gikorwamo uwo muti cyavumbuwe bwa mbere na Albert Rakoto Ratsimamanga, umuhanga w’umunya Madagascar washinze kiriya kigo cya IMRA.

Ku wa 08 Werurwe ubwo yari kuri Televiziyo y’igihugu, Perezida Andry Rajoelina yatangaje ko igihugu cye cya Madagascar gifite ikimera kidasanzwe gishobora gutuma kiriya gihugu guhindura amateka y’abatuye Isi kikababonera umuti wa Coronavirus. Icyo gihe yagize ati:

Nakiriye ibaruwa ivuga ko Madagascar ifite umuti ushobora kuvura nako ntabwo sinavuga ko ushobora kuvura Coronavirus kuko utaremezwa. Tugiye gukora igerageza ryacu, kandi ndabizi neza ko Madagascar izabona uyu muti. Tugiye guhindura amateka y’Isi yose.

Perezida Rajoelina yavuze ko abahanga bakomeye na za Laboratwari zo muri Madagascar zaragaragaje ubushake bwo gushaka umuti wa Coronavirus.

Nta muti ishami ry’umuryango w’abibumbye ryita ku buzima OMS riremeza ko ufite ubushobozi bwo kuvura Coronavirus, bityo uwo Madagascar iza kumurika ukaba ugomba kuzemezwa na OMS.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble jojo

    Mwarebye icyo gihugu cyavumbuye umuti kikaba kitabasha kuvura Abarwayi nabo , ibinyamakuru biciriritse ntimwabanza namww gukora ubushakaskatsi kunkuru

    1 month ago

Inzindi nkuru

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 295 0

Afurika y’Epfo:Perezida Ramaphosa yabwiye inkuru mbi abaturage ku cyorezo...

Perezida wa Afurika y’Epfo yavuze ko icyorezo cya coronavirus muri iki...
25 May 2020 Yasuwe: 3363 1

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1531 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2619 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1452 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1573 0