addresiya
Kigali
startimes

Mukendi wa Mulumba wari umujyanama wa perezida Tshisekedi yishwe na Covid-19

Amakuru   Yanditswe na: Dusingizimana Remy 25 March 2020 Yasuwe: 3580

Umuntu wa gatatu wishwe n’indwara ya Covid-19 muri Repubulika ya Demokarasi ya Kongo ni umunyamategeko w’impuguke mu burenganzira bwa muntu akaba yari n’umwe mu bajyanama ba Perezida Félix Tshisekedi.



Jean-Joseph Mukendi wa Mulumba yari umuyobozi w’agateganyo w’akanama k’abajyanama mu mategeko ba Perezida Tshisekedi.

Bishoboka ko iyo ndwara yo mu myanya y’ubuhumekero iterwa n’ubwoko bushya bwa coronavirus, yaba yarayanduriye mu rugendo aherukamo mu Bufaransa aho yari yagiye kwivuriza.

Bwana Mulumba yabaye umuntu ukomeye mu batavugaga rumwe n’ubutegetsi bwa mbere muri Kongo Kinshasa ndetse yanamenyekanye mu baharanira uburenganzira bwa muntu.

Yari umujyanama wa hafi wa Étienne Tshisekedi wabaye umukuru w’abatavuga rumwe n’ubutegetsi muri iki gihugu, akaba ari na se wa perezida uriho muri iki gihe.

Nk’umunyamategeko, yunganiye umunyapolitike Moïse Katumbi utavuga rumwe n’ubutegetsi ndetse n’abandi barwanyaga ko uwari Perezida Joseph Kabila yongera kwiyamamariza indi manda.

PerezidaTshisekedi yageze ku butegetsi mu kwezi kwa mbere mu mwaka ushize asimbuye Bwana Kabila – biba ubwa mbere mu myaka hafi 60 habaho isimburana ku butegetsi mu mahoro muri iki gihugu.

Benshi muri Kongo Kinshasa bavuze ko urupfu rwa Bwana Mukendi wa Mulumba ari igihombo gikomeye.

Kugeza ubu muri iki gihugu habarurwa abantu 48 bamaze kwandura Covid-19.

Ejo ku wa kabiri, Perezida Tshisekedi yatangaje ifungwa ry’imipaka ndetse avuga ko umurwa mukuru Kinshasa – aho benshi mu banduye batangajwe – ushyizwe mu kato.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 591 0

Intare ebyiri zateraniye umugore ushinzwe kurinda icyanya zibamo...

Mu gihugu cya Australia haravugwa inkuru ibabaje y’umurinzi w’icyanya kibamo...
30 May 2020 Yasuwe: 4342 0

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 657 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5911 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2856 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 3034 0