skol
Kigali
startimes

OMS/WHO yashimye intabwe yatewe mu igeragezwa ry’umuti ushobora gukiza Coronavirus

Amakuru   Yanditswe na: Martin Munezero 17 June 2020 Yasuwe: 2329

Ishami ry’umuryango w’abibumbye rishinzwe ubuzima ku isi OMS/WHO ryatangaje ko rishima intambwe yatewe mu igerageza ry’ibanze ry’umuti wa dexamethasone mu Bwongereza rigaragaza ko ushobora gukiza abantu barembye kubera Covid-19.


Abashakashatsi bavuga ko ku barwayi bari ku byuma bibafasha guhumeka n’abakenera umwuka, uyu muti ugabanya ikigero cyo gupfa muri bo.

Mu itangazo yasohoye OMS yibutsa ko uyu muti byabonetse ko ufasha gusa abarembejwe na Covid-19, ko utakoreshejwe ku bafite ibimenyetso byoroheje.

Dr Tedros Adhanom Ghebreyesus ukuriye OMS agira ati: "Uyu niwo muti wa mbere ugaragaje ko ugabanya impfu mu barwayi ba Covid-19 bakeneye umwuka n’ibyuma bibafasha guhumeka".

Yongeyeho ati: "Iyi ni inkuru nziza kandi ndashimira leta y’Ubwongereza, kaminuza ya Oxford, ibitaro n’abarwayi batanze umusanzu wabo ngo ibi bigerweho".

Dexamethasone ni umuti bwoko ki?

Uyu ni umuti wo mu bwoko bw’iyo bita steroid, watangiye gukoreshwa kuva mu myaka ya 1960 mu koroshya ’inflammation’ (ugenekereje mu kinyarwanda ni; ukubabuka imbere mu mubiri) ndetse no kuri kanseri zimwe na zimwe.

Kuva mu 1977 OMS yawushyize ku rutonde rw’imiti y’ingenzi ku ndwara nyinshi, ubu ni umiti wemewe gukorwa ku bwinshi kandi uboneka ku giciro giciriritse mu bihugu byinshi.

Emile Karasira umukozi muri farumasi yigenga mu Rwanda, yabwiye BBC dukesha iyi nkuru ko dexamethasone ubusanzwe iba mu bwoko butatu; ibinini, umuti batera mu rushinge n’uwo batonyangiriza mu maso.

Bwana Karasira avuga ko ari umuti uboneka muri farumasi zo mu Rwanda, no muri farumasi z’ibitaro kandi "ugura amafaranga macye cyane".

Ati: "Ntabwo ari umuti ubusanzwe ukoreshwa cyane, gusa ukoreshwa nka antidote, bawuha nk’umuntu wariye uburozi, umerewe nabi kubera indi miti, mbese ufasha mu gukura imyanda mu mubiri".

Kuba ubushakashatsi bwemeza ko uvura abarwayi barembejwe na coronavirus, uyu mukozi avuga ko bishoboka kuko uyu muti ufasha abantu mu gihe batabasha guhumeka neza iyo barembejwe n’ikindi kintu.

OMS ivuga ko yagaragarijwe n’abashakashatsi iby’ibanze byavuze mu igeragezwa ryawo, ko itegereje guhabwa amakuru arambuye y’ubu bushakashatsi mu minsi iri imbere.

OMS ivuga ko izakora isesengura ry’inyongera kugira ngo imenye neza uburyo uyu muti uvura iki cyorezomaze inagene uko wakoreshwa mu kukivura.

Mu kwezi kwa kane, OMS yatangaje ko iri gukorana na leta ya Madagascar mu gusuzuma umuti wa Covid-Organic - leta y’iki gihugu yatangaje ko uvura Covid-19 - ngo irebe niba uyivura koko.

Inganda zikora imiti n’izikora inkingo zimaze igihe zikora cyane zigerageza kubona umuti cyangwa urukingo rw’iki cyorezo.

Inkingo zimwe ziri mu magerageza mu bihugu bya Amerika, Ubwongereza, Australia n’ahandi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2128 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 716 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 700 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 821 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1961 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1346 0