skol
fortebet

Perezida Magufuli yazanye uburyo bushya bwo gusuhuzanya ukoresheje ibirenge mu rwego rwo kwirinda Coronavirus

Yanditswe: Tuesday 03, Mar 2020

Sponsored Ad

Ibiro by’umukuru w’igihugu muri Tanzania byashyize hanze ifoto ya Perezida John Magufuli asuhuzanya akoresheje ikirenge n’umunyapolitiki utavuga rumwe n’ubutegetsi Maalim Seif Sharif Hamad.

Sponsored Ad

Bijyanye n’ingamba nshya za minisiteri y’ubuzima muri icyo gihugu zo kurinda ikwirakwira rya coronavirus.

Iyo virusi yatangiriye mu Bushinwa aho yatangajwe mu kwezi kwa mbere mu mujyi wa Wuhan uri rwagati mu gihugu imaze kwica abantu barenga 3,000 ku isi.

Benshi mu bo yishe n’abo mu Bushinwa, ariko ku munsi w’ejo habonetse abayanduye bashya bo hanze y’Ubushinwa bakubye inshuro icyenda ab’imbere mu Bushinwa kuri uwo munsi.

Leta z’ibihugu byo ku isi, zirimo na Tanzania, zagiriye inama abaturage kwirinda guhoberana, gusomana no gusuhuzanya n’ikiganza, mu kwirinda ikwirakwira ry’iyo virusi.

Nta muntu n’umwe Tanzania yari yatangaza icyekaho kwandura coronavirus.

Misiri, Maroc, Tunisia, Nigeria, Algeria na Sénégal ni byo bihugu byonyine muri Afurika byatangaje abantu banduye coronavirus.

Inkuru ya BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa