startimes
Kigali
startimes

Perezida Museveni yabujije abatwara amakamyo kurara mu mahoteli no mu nzu z’abaturage kubera Covid-19

Amakuru   Yanditswe na: Dusingizimana Remy 29 April 2020 Yasuwe: 1684

Abashoferi bose batwara amakamyo yinjira muri Uganda kuva ubu ntibazemererwa gutwara abantu mu modoka zabo no gucumbika muri za hoteli cyangwa inzu z’abantu, ni ingamba nshya zo kurwanya coronavirus muri iki gihugu.


Sponsored Ad


Perezida Yoweri Museveni wa Uganda yatangaje ibi nyuma y’uko abashoferi b’amakamyo barenga 20 binjiye muri Uganda bavuye muri Kenya babasanganye iki cyorezo.

Mu ntangiriro z’iki cyumweru Uganda yatangiye gupima abashoferi bose b’amakamyo yinjira muri iki gihugu, ibi byateje umubyigano udasanzwe w’izi modoka ku mupaka uhuza Kenya na Uganda.

Inzira iva ku cyambu cya Mombasa muri Kenya ni ingenzi cyane mu bwikorezi bw’ibicuruzwa n’ibindi nkenerwa byinshi muri Uganda, Rwanda, Sudani y’Epfo n’uburasirazuba bwa DR Congo.

Perezida Museveni yavuze ko guhagarika ubwikorezi bw’imizigo byaba ari ukwigerezaho.

Yanenze abaturage ba Uganda bashatse gusagarira abatwara amakamyo ngo nibo babazanira coronavirus.

Gusa yavuze ko koko bateye impungenge, ndetse abagereranya n’igihe cy’indwara ya SIDA mu myaka ya 1990 ubwo abashoferi b’amakamyo mu karere byavugwaga ko aribo bayikwirakwiza mu mijyi n’aho bagendaga bahagarara.

Abaminisitiri bashinzwe ubuzima mu bihugu bigize umuryango wa Afurika y’iburasirazuba, mu kwezi gushize bakoze inama bemeza ko nubwo ibihugu byafunze imipaka imodoka nini zitwara imizigo zigomba gukomeza kugenda hagati y’ibi bihugu.

Ku rundi ruhande, uyu munsi ku wa Gatatu,Minisitiri w’intebe wa Tanzania, Bwana Kassim Majaliwa yatangaje ko mu guhugu cye habonetse abantu 196 bafite ubwandu bwa Covid-19 mu minsi 5 ishize bityo abamaze kwandura iyo ndwara bakaba babaye 480.

Yanavuze ko abamaze gupfa bavuye kuri 10 bakaba 16 abamaze gukira bo bava kuri 48 baba 167.

Imibare itangwa na minisiteri zishinzwe ubuzima muri ibyo bihugu igaragaraza ko abamaze kwandura coronavirus ari:

Kenya: 374
Tanzania: 480
Rwanda: 212
Uganda: 79
Sudani y’Epfo: 34
Burundi: 14

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3517 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 4147 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1641 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4437 0

Impyisi ziba amafaranga yo kurwanya Covid-19 zigiye gukurikiranwa-Perezida...

Perezida Cyril Ramaphosa w’Afurika y’epfo yaburiye abo yise "impyisi"...
3 August 2020 Yasuwe: 814 0

Uganda: Umukanishi yagonze abana 2 bavukana barapfa ubwo yasuzumaga ko...

Umukanishi wo mu gihugu cya Uganda yishe abana babiri bavukana ubwo...
3 August 2020 Yasuwe: 1855 0