skol
Kigali
startimes

Perezida Trump yasubiye ku kazi ahita asabira abanyamerika ikintu gikomeye

Amakuru   Yanditswe na: Dusingizimana Remy 8 October 2020 Yasuwe: 1768

Perezida Donald Trump wa Leta Zunze Ubumwe z’Amerika yasubiye ku kazi ndetse akoresha inama zitandukanye mu biro bye, nyuma y’icyumweru bamusanzemo coronavirus.


Hashize amasaha arenga 24 Bwana Trump atagaragaza ibimenyetso bya Covid-19, ndetse amaze iminsi irenga ine adahinda umuriro, nkuko byavuzwe na muganga we bwite Dr Sean Conley.

Raporo ku buzima bwa Trump yatangajwe na Dr Conley igira iti: "Ibizamini by’ubuzima, birimo n’ingano ya oxygen n’igipimo cy’uburyo ahumeka, byose byagumye hamwe kandi biri ku kigero gisanzwe".

Mu butumwa bwa videwo yatangaje ejo ku wa gatatu, Perezida Trump yavuze ko yumva "ameze neza", yongeraho ati: "Ndatekereza ko uyu wari umugisha uvuye ku Mana".

Yavuze ko ashaka ko Abanyamerika bose bahabwa imiti nk’iyo yahawe.

Bwana Trump yanasezeranyije gutanga ku buntu imiti y’uruganda Regeneron Pharmaceuticals.

Yavuze ko iyo mvange y’imiti ikirimo gukorwaho igeragezwa, yahawe mu cyumweru gishize, yari umuti nyawo aho kuba ibyo kumworohereza.

Yavuze ko doze (doses) zawo zibarirwa mu bihumbi amagana ziri hafi kuboneka. Ariko iyo miti y’uruganda Regeneron Pharmaceuticals ntabwo iremezwa n’ikigo cy’Amerika cy’ubugenzuzi bw’imiti.

Bwana Trump yagize ati: "Uyu wari umugisha wiyoberanyije - narayanduye, numva iby’uyu muti, ndavuga nti reka nywufate kandi wari agatangaza".

Yongeyeho ko agiye gushaka uburyo iyo mvange y’imiti ihabwa uruhushya rwo gukoreshwa byihutirwa.

Yongeye kwibasira Ubushinwa

Perezida Trump kandi yongeye kwibasira Ubushinwa, abwira Abanyamerika ati:

"Ntabwo ari mwe muzabiryozwa. Ntabwo ryari ikosa ryanyu kuba ibi byarabaye. Ryari ikosa ry’Ubushinwa. Kandi Ubushinwa buzabiryozwa,,, Iri ryari ikosa ry’Ubushinwa".

Mbere yaho, Dr Conley, muganga bwite wa Trump, yavuze ko Perezida atigeze acyenera guhabwa umwuka w’inyongera wo guhumeka kuva yajya mu bitaro ku wa gatanu. Yasezerewe mu bitaro ku wa mbere.

Abashyigikiye Perezida Trump bavuga ko yagaragaje kuba umuyobozi nyawe kuva yava mu bitaro.

Ariko abamunenga bavuga ko imyitwarire ye yarushijeho kuba iyo gutomboza gusa idafite gahunda.

Ibiro bye bya White House byanashyizeho ingamba nshya zo kwirinda nyuma yuko Perezida Trump avuye mu bitaro na nyuma y’amakuru yuko undi mujyanama we bamusanzemo Covid-19.

Amatora ya perezida - azahatanamo na Joe Biden - ateganyijwe ku itariki ya 3 y’ukwezi kwa 11.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5460 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3812 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 494 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 562 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 858 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1898 0