startimes
Kigali
startimes

Perezida w’u Burundi ’Pierre Nkurunziza’ yavuze uburyo abavuga ko kutegerana birinda kwandura Coronavirus babeshya

Amakuru   Yanditswe na: Martin Munezero 4 May 2020 Yasuwe: 4193

Perezida Pierre Nkurunziza w’u Burundi yavuze ko abavuga ko kwirinda kwegerana birinda icyorezo cya Coronavirus (Covid-19) babeshya, kuko ngo Imana itabirimo, byose ntacyo byamara.


Sponsored Ad


Ni ubutumwa yatanze ubwo yizihizaga Umunsi Mpuzamahanga w’Umurimo n’Abarundi, ubwo yari amaze guha ishimwe umukobwa we muto, Dorcas Nkurunziza w’imyaka 12 y’amavuko, nk’urugero rw’uko ushaka gushimira abakoze neza wahera mu muryango.

Amaze kumuhemba, yahise amuhobera amubwira ko ntacyo bitwaye kuko ibyo bavuga (ko byanduza Covid-19) babeshya.Yahise abaza abaturage bari aho ngaho niba hari ikibazo bafite kubera ko begeranye, ati:

None hano ntimwegeranye mwese? Dukomere Imana yacu amashyi.

Perezida Nkurunziza yakomeje avuga ko Imana iri kumwe n’u Burundi ndetse n’Abarundi, kandi bahoranye nayo kuva mu bihe bya mbere. Ati:

“Ni uko Imana iri kumwe natwe. Ibyo wakora byose Imana itarimo, nta na kimwe bimara. Turi kumwe n’Imana, byose bigenda neza. Ifite icyicaro cya mbere kandi ikiganza cyayo kiri ku Burundi n’Abarundi. Si rimwe, si kabiri mubibona.”

Uyu Mukuru w’Igihugu atangaje aya magambo mu gihe amahanga ndetse n’Imiryango WHO na UN zagaragaje impungenge ku buryo bwo kwirinda icyorezo cya Covid-19 mu Burundi, kuko ibikorwa bitandukanye bigikomeje, ndetse n’imibereho y’abashyizwe mu kato nayo yarakemanzwe.

Impungenge zongeye kuba kuri iki gihugu ubwo ibikorwa byo kwiyamamariza umwanya w’Umukuru w’Igihugu byatangiraga tariki ya 27 Mata 2020, hagaragara ubucucike bw’abaturage badafite ubwirinzi bw’iki cyorezo.

Imibare y’Ikigo cy’Ubuvuzi gishamikiye ku Muryango w’Afurika Yunze Ubumwe (Africa CDC) igaragaza ko mu Burundi hamaze kugaragara abantu 19 banduye Covid-19, muri bo hapfuyemo umwe, abandi barindwi bamaze gukira.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1238 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3634 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 4968 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1661 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4473 0

Impyisi ziba amafaranga yo kurwanya Covid-19 zigiye gukurikiranwa-Perezida...

Perezida Cyril Ramaphosa w’Afurika y’epfo yaburiye abo yise "impyisi"...
3 August 2020 Yasuwe: 814 0