skol
Kigali
startimes

Perezida wa Brasil Jair Bolsonaro wasuzuguye bikabije Coronavirus bayimusanzemo

Amakuru   Yanditswe na: Dusingizimana Remy 7 July 2020 Yasuwe: 1372

Perezida wa Brazil witwa Jair Bolsonaro wari umaze igihe kinini asuzugura cyane icyorezo cya Covid-19 akayita ibicurane byoroheje “little flu” yatangaje ko bayimusanze nkuko ibinyamakuru bikomeye bibitangaza.


Uyu muperezida wavugaga ko Covid-19 ari indwara yoroheje ikabirizwa n’itangazamakuru,yahuye n’uruva gusenya nawe arayandura nkuko we ubwe yabyitangarije imbonankubone kuri TV.

Yagize ati “Ibisubizo byagaragaje ko nanduye.Nta mpamvu yo kugira ubwoba niko ubuzima bumera.Ubuzima burakomeza.Ndashimira Imaba ko yampaye ubuzima n’amahirwe nahawe yo kugena ejo hazaza heza h’iki gihugu cyiza cya Brazil.”

Bolsonaro w’imyaka 65,yagiye yumvikana apfobya iki cyorezo ndetse akanenga na gahunda yo guhana intera hagati y’abantu n’abandi.

Igihugu cya Brazil ni icya 2 ku isi mu byazahajwe na Covid-19 nyuma ya US kuko iki cyorezo kimaze guhitana abarenga ibihumbi 65 ndetse abantu basaga miliyoni n’ibihumbi 600 bamaze kwandura.

Muri Werurwe nibwo Brazil yatangaje umuntu wa mbere wishwe na Coronavirus ariko Perezida Bolsonaro ntiyigeze ategeka gushyiraho ingamba zikarishye zo kwirinda ahubwo yakomeje kwigira mu nama nta gapfukamunwa cyangwa akambaye nabi.

Kuwa 03 Gicurasi ubwo mu mujyi wa Brasilia abantu bari mu gikorwa cyahuje benshi bamagana amabwiriza ategeka abantu kudasohoka, Bwana Bolsonaro yasabye abaturage gusubira mu mirimo, kuramukanya n’ibiganza ndetse no kwifotoza ibyo bita ’selfie’ nta kibazo.

Perezida Jair Bolsonaro yasabye abantu gusubira mu mirimo yabo no kwifata nk’ibisanzwe.

Ubwo yabazwaga n’abanyamakuru iby’imibare y’abari gupfa iri kwiyongera cyane yarasubije ati: "None urangira ngo? Urashaka ko nkora iki? Ntabwo nakora ibitangaza".

Bolsonaro, hambere yavuze ko iyi ndwara ari nk’"ibicurane byoroheje" ndetse ashinja itangazamakuru gukwiza amakuru atari yo ateza ubwoba mu bantu.

Bolsonaro yavuze ko "abantu bafite amateka y’imyitozo ngororamubiri nkanjye" ntakintu bumva iyo iyi virus ibafashe - avuga ko iyo bikabije bagira ibicurane byoroheje.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 666 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 761 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1913 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1315 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2595 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 658 0