skol
Kigali
startimes

Pierre Buyoya wayoboye U Burundi imyaka 13 yapfuye bivugwa ko yahitanwe na Coronavirus

Amakuru   Yanditswe na: Dusingizimana Remy 18 December 2020 Yasuwe: 5108

Uwahoze ari Perezida w’u Burundi,Petero Buyoya, wabuyoboye incuro ebyiri kuva mu 1987 kugeza mu mwaka wa1993, no kuva mu 1996 kugeza mu mwaka 2003 yapfuye aho bivugwa ko yahitanwe n’icyorezo cya Covid-19.


Ijwi ry’Amerika ryatangaje ko ritarashobora kumenya neza icyamuhitanye gusa, bamwe mu begereye umuryango we bahaye Ijwi ry’Amerika aya makuru bavuze ko ashobora kuba yari "arwaye ikiza cya Virusi ya Corona."

Majoro Pierre Buyoya atabarutse afite imyaka 71. Hari hashize ibyumweru 3 yeguye ku mwanya w’intumwa idasanzwe y’Ubumwe bwa Afrika muri Mali n’akarere ka Sahel.

Kwegura kwe yavuze ko yabikoze kugira abone umwanya ukwiye wo gukurikirana urubanza yari aheruka gucirwa n’urukiko rukuru rw’Uburundi rw’igifungo cya burundu kubera ibyaha 4 ashinjwa birimo kugira uruhare runini mu iyicwa rya Melchior Ndadaye.

Buyoya we mu kwiregura yavugaga ko ibyo ashinjwa ari ibihimbano, akavuga ko byateguwe mu rwego rwo kwibagiza abantu ibibazo u Burundi bufite.

Mu 2018, leta y’u Burundi yashizeho impapuro mpuzamahanga zo gufata Pierre Buyoya, wayoboye u Burundi inshuro ebyiri (1987-1993, 1996-2003). Uyu mugabo aza ku mwanya wa kabiri mu bakuru b’igihugu bayoboye u Burundi imyaka myinshi (13).

Yasimbuwe ku butegetsi na Ndadaye watorewe kuyobora u Burundi muri Kamena 1993; yegukanye intsinzi y’amajwi 65% mu gihe Buyoya yagize amajwi 32%. Yaje kwicwa mu Ukwakira 1993 nyuma y’iminsi 102 atangiye kuyobora igihugu.

Pierre Buyoya yabaye intumwa idasanzwe y’Ubumwe bwa Afrika muri Mali n’akarere ka Sahel mu gihe cy’imyaka 8. Yagize n’uruhare rukomeye mu biganiro byahuje leta n’abasirikare baheruka guhirika ubutegetsi bwa Mali, kugira ngo busubizwe mu maboko y’abasivile.

Manda 2 Perezida Buyoya yayoboye Uburundi yafashe igihugu biciye mu guhirika ubutegetsi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida wa Seychelles yabimburiye abandi afata urukingo rwa Covid-19...

Ibirwa bya Seychelles byatangiye ibikorwa byo gukingira abaturage babyo...
11 January 2021 Yasuwe: 3400 1

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3441 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7162 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3151 0

UK: Urundi rukingo rwa Covid-19 ruratangira guterwa abantu kuva kuwa...

Urukingo rwa coronavirus rwakozwe n’abahanga bo muri kaminuza ya Oxford...
30 December 2020 Yasuwe: 3299 0

Pierre Buyoya wigeze kuyobora u Burundi yashyinguwe muri Mali

Uyu munsi nibwo mu mujyi wa Bamako,muri Mali habaye umuhango wo...
29 December 2020 Yasuwe: 5107 0