skol
fortebet

Pierre Buyoya wayoboye U Burundi imyaka 13 yapfuye bivugwa ko yahitanwe na Coronavirus

Yanditswe: Friday 18, Dec 2020

Sponsored Ad

Uwahoze ari Perezida w’u Burundi,Petero Buyoya, wabuyoboye incuro ebyiri kuva mu 1987 kugeza mu mwaka wa1993, no kuva mu 1996 kugeza mu mwaka 2003 yapfuye aho bivugwa ko yahitanwe n’icyorezo cya Covid-19.

Sponsored Ad

Ijwi ry’Amerika ryatangaje ko ritarashobora kumenya neza icyamuhitanye gusa, bamwe mu begereye umuryango we bahaye Ijwi ry’Amerika aya makuru bavuze ko ashobora kuba yari "arwaye ikiza cya Virusi ya Corona."

Majoro Pierre Buyoya atabarutse afite imyaka 71. Hari hashize ibyumweru 3 yeguye ku mwanya w’intumwa idasanzwe y’Ubumwe bwa Afrika muri Mali n’akarere ka Sahel.

Kwegura kwe yavuze ko yabikoze kugira abone umwanya ukwiye wo gukurikirana urubanza yari aheruka gucirwa n’urukiko rukuru rw’Uburundi rw’igifungo cya burundu kubera ibyaha 4 ashinjwa birimo kugira uruhare runini mu iyicwa rya Melchior Ndadaye.

Buyoya we mu kwiregura yavugaga ko ibyo ashinjwa ari ibihimbano, akavuga ko byateguwe mu rwego rwo kwibagiza abantu ibibazo u Burundi bufite.

Mu 2018, leta y’u Burundi yashizeho impapuro mpuzamahanga zo gufata Pierre Buyoya, wayoboye u Burundi inshuro ebyiri (1987-1993, 1996-2003). Uyu mugabo aza ku mwanya wa kabiri mu bakuru b’igihugu bayoboye u Burundi imyaka myinshi (13).

Yasimbuwe ku butegetsi na Ndadaye watorewe kuyobora u Burundi muri Kamena 1993; yegukanye intsinzi y’amajwi 65% mu gihe Buyoya yagize amajwi 32%. Yaje kwicwa mu Ukwakira 1993 nyuma y’iminsi 102 atangiye kuyobora igihugu.

Pierre Buyoya yabaye intumwa idasanzwe y’Ubumwe bwa Afrika muri Mali n’akarere ka Sahel mu gihe cy’imyaka 8. Yagize n’uruhare rukomeye mu biganiro byahuje leta n’abasirikare baheruka guhirika ubutegetsi bwa Mali, kugira ngo busubizwe mu maboko y’abasivile.

Manda 2 Perezida Buyoya yayoboye Uburundi yafashe igihugu biciye mu guhirika ubutegetsi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa