startimes
Kigali
startimes

Somalia: Indege yari itwaye ibikoresho byo kurwanya coronavirus yahanutse

Amakuru   Yanditswe na: Dusingizimana Remy 5 May 2020 Yasuwe: 1520

Abategetsi muri Somalia batangaje ko indege y’ubwikorezi itwaye ibikoresho by’ubufasha mu kurwanya coronavirus yahanutse igashwanyuka mu ijoro ryo kuwa mbere.Abantu batandatu bari bayirimo ntawarokotse.


Sponsored Ad


Iyi ndege yari iya African Airways kompanyi y’abanyasomaliya ifite ikicaro muri Kenya.

Iyi ndege yahagurutse i Mogadishu ihagarara umwanya muto ahitwa Baidoa ikomeza yerekeza ahitwa Bardale mu majyepfo ya Somalia aho yahise ihanuka itaramara igihe kinini ihagurutse.

Impamvu y’ihanuka ry’iyi ndege ntabwo iramenyekana.

Hassan Hussein Mohamed ushinzwe ubwikorezi muri ako gace yabwiye BBC ko mu bapfuye harimo abanyasomaliya n’abanyakenya...

Imibare y’abahitanwa na Coronavirus mu bihugu byashegeshwe cyane n’iki cyorezo ku mugabane w’i Burayi aribyo u Butaliyani, u Bufansa na Espagne, ikomeje kugabanuka ku buryo birimo gutanga icyizere ku ngamba zashyizweho mu guhangana n’iki cyorezo.

Inzego z’ubuzima mu Bufaransa zagaragaje ko tariki 3 Gicurasi iki gihugu cyapfushije abantu 135, muri Espagne 164 naho mu Butaliyani babaye 174.

Muri Leta Zunze Ubumwe za Amerika naho imibare igaragaza ko abapfa barimo kugabanuka, kuri iki Cyumweru hapfuye abantu basaga gato 1 154, ni mu gihe ku wa Gatandatu ho hari hapfuye 1 691 .

Mu gihugu cy’u Bwongereza ho, kuri iki Cyumweru bapfushije abantu basaga 315.

Kugeza ubu imibare y’Ishami ry’Umuryango w’Abibumbye ryita ku buzima, OMS, igaragaza ko abantu miliyoni bagera muri 3,646,340 bamaze kwandura Coronavirus ku Isi, ibihumbi 252,420 bamaze gupfa naho miliyoni 1,200,310 bamaze gukira.

Leta Zunze Ubumwe za Amerika zikomeje kuza imbere mu kugira umubare w’abanduye n’abamaze gupfa. Iki gihugu kimaze kugira abanduye miliyoni 1,212,900.Abamaze gupfa ni 69,920 mu gihe abamaze gukira babaye 188,060.

Ku mugabane wa Afurika wose hamaze kugaragara abantu ibihumbi 48,081 banduye Coronavirus, abamaze gupfa basaga 1,848 naho abakize ni ibihumbi 16,231.

Uko byifashe muri EAC

Rwanda: Ku munsi w’ejo,habonetse abarwayi bashya 2. Abo iyi ndwara imaze kugeraho bava kuri 259 baba 261. Abakize bavuye kuri 124 baba 128. Nta n’umwe urapfa.

Burundi: Nta makuru yatanzwe ejo. Abamaze kwandura ni 19. Abakize ni 7. Abamaze gupfa n’umwe.

Kenya: Habonetse abarwayi bashya 25. Abanduye bava kuri 465 bagera kuri 490. Abakize bavuye kuri 167 baba 173 hanyuma abapfuye bagumye ari 24.

South Sudan: Habonetse abarwayi bashya 3. Abanduye bose bava kuri 46 baba 49. Muri aba ntawe urakira ariko nta n’urapfa.

Tanzania: Hashize iminsi 5 hadatangwa amakuru mashya.Amakuru aheruka nuko abamaze kwandura bari 480. Umubare w’abapfuye ni 16. Abakize ni 167 .

Uganda: Habonetse abarwayi bashya 8. Abamaze kwandura bava kuri 89 baba 97. Abakize bava kuri 52 baba 55. Nta n’umwe urapfa azize iyi ndwara.

RDC. Habonetse abarwayi bashya 23. Abamaze kwandura iyo ndwara muri iki gihugu bava kuri 682 baba 705. Abamaze gukira bavuye kuri 80 baba 85 naho abamaze gupfa bagumye ari 34.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1242 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3641 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 4969 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1661 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4473 0

Impyisi ziba amafaranga yo kurwanya Covid-19 zigiye gukurikiranwa-Perezida...

Perezida Cyril Ramaphosa w’Afurika y’epfo yaburiye abo yise "impyisi"...
3 August 2020 Yasuwe: 814 0