skol
fortebet

Sudani y’Epfo:Abagize guverinoma umunani basanganwe icyorezo cya COVID-19

Yanditswe: Thursday 21, May 2020

Sponsored Ad

Imibare y’abamenyekanye banduye coronavirus muri Sudani y’Epfo yikubye hafi kabiri igera kuri 481 mu ijoro ryakeye, ni nyuma y’uko mu masaha 24 habonetse abantu bashya 140 bayanduye.

Sponsored Ad

Amakuru avuga ko abagize guverinoma bagera ku munani (8) babasanzemo iki cyorezo.

Kugeza ubu batatu muri bo baratangajwe, abo ni; visi perezida, minisitiri w’umutekano na minisitiri w’itangazamakuru.

Bose bari mu bagize itsinda ryihariye rya guverinoma ryo kurwanya Covid-19 riyobowe na Perezida Salva Kiir wungirijwe na Visi Perezida Riek Machar.

Bwana Kiir yabonanye n’iri tsinda mu mpera z’icyumweru gishize ariko nta kiratangazwa niba nawe yarapimwe n’uko ahagaze.

Uyu munsi kuwa kane hateganyijwe inama y’abaminisitiri ariko ntamuntu uzi abari buyitabire.

Imirwano y’amoko

Hagati aho abategetsi bavuga ko imirwano ya vuba hagati y’amoko mu muri leta ya Jonglei yiciwemo abantu bagera kuri 300, ibihumbi bavuye mu byabo barahunga.

Muri iyi mirwano ishyamiranyije hiciwemo abakozi batatu bo mu miryango ifasha, harimo umwe wa Médecins Sans Frontières.

Imirwano yasubukuye kuwa gatandatu hagati y’amoko y’abatunzwe n’ubuhinzi n’abatunzwe n’ubworozi.

Abategetsi bavuga ko abantu bagera kuri 800 bamaze gupfa kuva imirwano nk’iyi yakongera gutangira mu kwezi kwa kabiri.

Amasezerano yo kurangiza intambara mu gihugu yari imaze imyaka itandatu yasinywe mu kwezi kwa kabiri hagati ya Salva Kiir na Riek Machar, gusa amakimbirane y’amoko yakomeje kuba bya hato na hato.

Abantu ibihumbi amagana bari mu nkambi z’ubuhungiro mu gihugu cyabo, mu minsi ishize hari babiri mu mpunzi basanzemo Covid-19, bitera impungenge ko iki cyorezo gishobora gukwira mu mpunzi.

Kuwa 18 Gicurasi 2020 nibwo Visi Perezida wa Sudani y’Epfo Riek Machar yatangaje kuri televiziyo y’igihugu ko bamupimye bakamusangamo coronavirus, kimwe n’abandi bantu benshi mu bo hafi ye.

Bwana Machar yavuze ko yasuzumwe tariki 13 z’uku kwezi kwa gatanu nyuma y’uko umwe mu itsinda rya guverinoma ryashinzwe kurwanya iki cyorezo bayimusanzemo.

Yavuze ko nta bimenyetso by’iyo ndwara afite ariko agiye kwishyira mu kato mu minsi 14.

Umugore we, uherutse kugirwa minisitiri w’ingabo wa Sudani y’Epfo nawe bamusanzemo iki cyorezo.

Machar yavuze ko na bamwe mu bamurinda n’abakorana nawe babasanzemo Covid-19.

Mu minsi ishize, Umuryango w’abibumbye watangaje ko hari abantu babiri baba mu nkambi z’abavuye mu byabo imbere mu gihugu basanzemo iyi ndwara.

Ibi byateye impungenge ko ishobora gukwirakwira vuba muri izi nkambi zisanzwe zirimo abantu benshi.

Riek Machar n’umwe mu banyapolitiki bavuzwe cyane muri Afurika kubera guhangana cyane na mugenzi we Salva Kiir uyobora Sudani y’Epfo.

Perezida wa Sudani y’Epfo, Salva Kiir, n’uyu bahora bahanganye Riek Machar bemeranyije gushyiraho leta y’ubumwe muri Gashyantare 2020.

Ibi byaje bikurikiye inama bagiranye mu biro by’umukuru w’igihugu i Juba mbere y’aho.

Inkuru ya BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa