startimes
Kigali
startimes

Tanzania: Polisi yahamagaje abadepite banze kwitabira imirimo y’inteko batinya coronavirus

Amakuru   Yanditswe na: Dusingizimana Remy 8 May 2020 Yasuwe: 705

Polisi yo mu mujyi wa Dar es Salaam muri Tanzania yatumije abadepite b’ishyaka ritavuga rumwe n’ubutegetsi kuza kubazwa nyuma y’uko banze kwitabira imirimo y’inteko kuko bafite ubwoba bwo kuhandurira coronavirus.


Sponsored Ad


Mu cyumweru gishize, ishyaka Chadema rikomeye mu yatavuga rumwe n’ubutegetsi, ryasabye abadepite baryo kwishyira mu kato iminsi 14 kandi ntibagere ku ngoro y’inteko ishinga amategeko iri i Dodoma.

Bafashe iki cyemezo nyuma y’urupfu rw’abadepite batatu mu gihe cy’ibyumweru bibiri - nubwo izo mfu zitahujwe na coronavirus.

Iri shyaka rifite abadepite 62 muri 383 bagize inteko ya Tanzania, hafi ya bose bumviye ishyaka ryabo ntibitabira imirimo y’inteko iri kwiga ku ngengo y’imari ya leta ya 2020/21.

Benshi mu banyapolitiki muri Tanzania baba i Dar es Salaam.

Ukuriye inteko ya Tanzania agerutse kuvuga ko aba badepite banze kwitabira inteko bazafarirwa ibihano.

Yavuze ko bafashe icyo cyemezo baramaze kwishyurwa "agahimbazamusyi k’ubwitabire" bw’inama z’abadepite k’ibyumweru bibiri, kangana n’amadorari $48,000.

Uyobora inteko, kuwa gatatu yagize ati: "Mu magambo macye ni ubujura".

Komiseri Paul Makonda utegeka polisi mu mujyi wa Dar es Salaam mbere yari yahaye amasaha 24 abo badepite ba Chadema kuva muri uyu mujyi cyangwa bagafungwa.

Yavuze ko ibyabo azabikemura nk’uko mu gihe cyashize yakemuye ikibazo cy’abacuruza imibiri yabo. Benshi muri aba badepite bahise bamukabiriza ngo aze abafunge.

Muri Tanzania, imibare iheruka gutangazwa kuwa kane ushize, ivuga ko kugeza ubu habonetse abantu 480 banduye coronavirus, 167 bayikize na 16 yishe.

Kuwa 21 Mata 2020,Umudepite mu Nteko ishinga amategeko ya Tanzania bamusanzemo Coronavirus bituma benshi barushaho gusaba ko imirimo y’Inteko yo kwiga ingengo y’imari ihagarikwa.

Nubwo atavuze izina ry’uwo munyapolitiki, uwungirije umukuru w’Inteko Tulia Ackson yavuze ko uwo mudepite yaherukaga mu mujyi wa Dar es Salaam, ko ashobora kuba ariho yavanye iyi virus.

Bwana Ackson yaburiye bagenzi be kwirinda kujya muri uyu murwa mukuru w’ubucuruzi ubu ufatwa nk’izingiro rya coronavirus muri Tanzania.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indege ya kompanyi Air India yakoze impanuka bamwe mu bari bayirimo...

Indege itwara abagenzi ya Kompanyi Air India yari irimo abantu 191 yakoreye...
7 August 2020 Yasuwe: 1436 0

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1299 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3714 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 5087 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1668 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4478 0