Kigali
startimes

Ubwongereza bwafashe ingamba zikarishye kubera Coronavirus imaze kwica abarenga 300

Amakuru   Yanditswe na: Dusingizimana Remy 24 March 2020 Yasuwe: 5006

Minisitiri w’intebe w’Ubwongereza Boris Johnson yatangaje amabwiriza ahagarika ubuzima busanzwe, ategeka abantu kuguma mu ngo zabo uretse aho biri ngombwa cyane gusa, ibi avuga ko ari mu rwego rwo kurwanya ikwirakwira rya Covid-19 muri iki gihugu.



Bwana Johnson yavuze ko kuva uyu munsi kuwa kabiri abaturage bazajya bava mu ngo zabo rimwe ku munsi bagiye gukora imyitozo ngororamubiri, abo bikenewe cyane akaba ari bo bajya kukazi.

Abandi bemerewe gusohoka ni abagiye kwivuza no kugura ibiribwa.

Amaduka n’amasoko acuruza ibintu bitari ibya ngombwa cyane yategetswe gufunga ndetse nta bantu bagomba guhura barenze babiri, kereka ababana mu rugo.

Mu Bwongereza abantu barenga 6,600 bamaze kwandura coronavirus, abagera kuri 335 yarabishe naho 135 barayikize.

Minisitiri Johnson yavuze ko abatazakurikiza amabwiriza yatanzwe bazayakurikiza ku ngufu za polisi.

Yavuze ko aya mabwiriza azakurikizwa mu gihe cy’ibyumweru bitatu.

Muri iki gihugu, restaurants na cafes byemerewe gukomeza gukora ariko bishyira abantu ibicuruzwa mu ngo zabo.

Ibindi byemerewe gukomeza gukora ni amasoko n’amaduka acuruza ibiribwa, imiti, lisansi, amagaraji y’imodoka, amaduka acuruza amagare, ahacururizwa ibikoresho byo mu ngo n’ibyuma, abacuruza ibikenerwa by’amatungo yo mu ngo, boutique zo mu mihana, abacuruza ibinyamakuru na za banki.

Abantu batandukanye mu Bwongereza bagaragaje ko ibi byemezo bigiye kubangiraho ingaruka zikomeye mu buzima bwabo bwa buri munsi.

Jeremy Corbyn umuyobozi w’uruhande rw’abatavuga rumwe n’ubutegetsi bo mu ishyaka rya Labour mu Bwongereza yatangaje ko izi ngamba "ari igisubizo gikwiye".

Yongeraho ati: "[Ariko] leta igomba kuziba icyuho igafasha abakozi bose, cyane abakora ibyabo, abakodesha, abafite imyenda y’inzu".

Leta y’Ubwongereza ivuga ko yateganyije ingengo y’imari yo gufasha abaturage b’amikoro macye bazagirwaho ingaruka n’ihagarikwa ry’ubuzima busanzwe mu gihugu.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble gaby

    Ubundi imitwe wiyi nkuru wari gutangira ugira uti..leta yubwongereza ageze ikirenge mubyu Rwanda...sibyo rata...

    3 months ago

Inzindi nkuru

Uganda: Umumotari yitwikiye ku biro bya polisi nyuma yo kumusaba...

Umumotari w’imyaka 29 wo muri Uganda yapfuye yitwikiye ku biro bya polisi,...
3 July 2020 Yasuwe: 926 0

Kim Jong-un yemeje ko igihugu cye cyakubise inshuro icyorezo cya...

Kim Jong-un, umutegetsi mukuru wa Koreya ya ruguru, yashimagije igihugu cye...
3 July 2020 Yasuwe: 675 0

Republique Tcheque: Abantu ibihumbi bakoze ibirori byo gusezera kuri...

Mu gihe ishyirahamwe rishinzwe ubuzima ku isi OMS muri iki cyumweru...
1 July 2020 Yasuwe: 1218 0

Burundi: Perezida Ndayishimiye yagabanyije igiciro cy’isabune ku kigero cya...

Kuri uyu wa 30 Kamena 2020 nibwo perezida Ndayishimiye yakiriye indahiro...
30 June 2020 Yasuwe: 2614 0

Abana babiri b’abahungu barasiwe mu gace ka Seattle muri Amerika

Umwana yishwe arashwe naho undi arakomereka bikomeye mu kurasana kwabereye...
30 June 2020 Yasuwe: 1358 0

Ubushinwa: Mu ngurube habonetse indi virusi y’ibicurane ’ishobora kuba...

Ubwoko bushya bwa virusi y’ibicurane ishobora guhinduka icyorezo bwatahuwe...
30 June 2020 Yasuwe: 851 0