addresiya
Kigali
startimes

Uganda: Abapadiri babiri bafunzwe kubera gusoma misa

Amakuru   Yanditswe na: Dusingizimana Remy 23 March 2020 Yasuwe: 766

Abapadiri babiri bo muri Uganda batawe muri yombi bashinjwa kurenga ku mabwiriza yatanzwe na Perezida Museveni abuza amateraniro y’abasenga mu kwirinda ikwirakwira rya coronavirus.



Musenyeri Gerald Kalumba wo kuri kiliziya ya Kristu Umwami mu mujyi wa Kampala yajyanywe kuri polisi y’uyu mujyi nyuma yo gusoma misa.

We yabwiye BBC ko yari misa ica kuri televiziyo yari yajemo abantu 15 bonyine, abariyemo n’abahereza.

Umwe mu babibonye yabwiye BBC ko muri iyo misa harimo abantu babarirwa mu binyacumi.

Mu mujyi wa Kisoro mu majyepfo ya Uganda, undi mupadiri witwa John Bazimenyera nawe yatawe muri yombi ariho asoma misa, bivugwa ko yari irimo abantu barenga 40.

We avuga ko yari misa y’abantu bacye cyane kandi b’ababikira n’abakozi ba paruwasi gusa.

Umuvugizi wa polisi yabwiye BBC ko ibikorwa nk’ibi byo kubuza amateraniro y’abantu benshi bikomeje.

Inzego z’umutekano zashyize imbaraga mu kubuza amateraniro y’abantu benshi no gufunga ahantu harimo; utubari(bars) na za restaurant.

Kuwa gatandatu nibwo muri Uganda habonetse umuntu wa mbere ufite indwara ya coronavirus, abategetsi bari kugerageza kwirinda ikwirakwira ryayo hakiri kare.

Kuva mu ijoro ryakeye imipaka y’ubutaka n’ikirere ya Uganda irafunze mu rwego rwo kwirinda iyi ndwara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble SEZIKEYE

    Imana idusaba "kumvira ubutegetsi",ndetse ikavuga ko niwanga buzaguhana.Kereka gusa iyo abayobozi bagusabye gukora ibyo Imana ikubuza.Icyo gihe "wumvira Imana kurusha abantu" nkuko Ibyakozwe 5:29 havuga.Urugero,bagutegetse Kwica nkuko bigenda mu gisirikare,icyo gihe urabyanga.
    Tugomba guha Kayizari ibya Kayizari.Nukuvuga guha Leta imisoro no kubumvira,iyo badusaba ibintu bidatandukanye n’ibyo Imana idusaba.

    2 months ago

Inzindi nkuru

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1319 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2463 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1425 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1540 0

Pakistan: Indege itwara abagenzi yakoze impanuka ihitana abantu barenga 30...

Indege ya gisivile yo muri Pakistan (Pakistan PK8303 Plane) yari itwaye...
22 May 2020 Yasuwe: 1164 0

Bizimana Augustin wari mu bateguye Jenoside yakorewe Abatutsi yapfiriye...

Umushinjacyaha Mukuru w’Urwego rwasigariye Urukiko Mpuzamahanga Mpanabyaha,...
22 May 2020 Yasuwe: 3369 0