Kigali

Abapolisi ibihumbi 15 ba Uganda umwanda ubamereye nabi nyuma yo kwimwa amazi kubera ikinyabupfura gike

Amakuru   Yanditwe na: 16 February 2017 Yasuwe: 3038

Polisi ya Uganda yatangaje ko ibigo bibiri bya polisi bicumbikiye abapolisi ibihumbi 15 bitazahabwa amazi n’ ikigo cya Uganda gishinzwe guyatunganya no kuyakwirakwiza (NWSC) kugeza bakosoye icyo polisi ya Uganda yise ikinyabupfura gike.

Ibyo bigo ni icya Naguru na Nsambya byombi byo mu mujyi wa Kampala. Polisi yatangaje ko nta mazi bizahabwa mu gihe n’ ubundi byari bimaze ibyumweru bibiri nta mazi bifite. Kumara iyi minsi yose nta mazi byatewe n’ uko ayo bari baguriwe yashize mbere y’ igihe cyari giteganyijwe.

Umuvugizi wa Polisi ya Uganda Andrew Felix Kaweesi, yavuze ko impamvu ibi bigo bitazahabwa amazi meza ari uko byagiye biyihera abaturage bakayakoresha muri gahunda zabo , bigatuma fagitire iba nini cyane.

Yagize ati “Abapolisi bagomba kugira ikinyabupfura, ibinamba byose byegereye biriya bigo byogesha amazi ya polisi. Twashyizeho uburyo kwishyura mbere tubishyurira amazi ahagije.”

Kuva mu byumweru bibiri bishize ubwo amazi aba bapolisi bari baraguriwe yashiraga barimo kuvoma amazi yanduye nk’ Ikinyamakuru Dail monitor dukesha iyi nkuru cyabitangaje.

Iki kinyamakuru gikomeza kivuga ko ubwo cyasuraga ibi bigo bya polisi bimaze ibyumweru bibiri bidafite amazi meza byahasanze umunuko uteye ubwoba uva mu misarane imaze igihe ifunze kubera kutagira amazi.

Andrew Felix Kaweesi, yavuze ko n’ umuriro bagiye kujya bawubishyurira mbere kugira bahangane n’ ikoreshwa nabi ryawo.

Biteganyijwe ko aba bapolisi bazongera kuhabwa amazi ari uko ukwezi kwashize.

Police ya Uganda yishyura miliyari 22 z’ amashilingi ku muriro na miliyari 7 na miliyoni 455 z’ amashilingi ku mazi.

Minisiteri y’ imari n’ igenamigambi y’ iki gihugu yagiriye polisi inama yo kujya bishyura mbere amazi n’ umuriro kugira ngo bagabanye ingengo y’ imari ikoreshwa mu kwishyura amazi n’ umuriro.

Andrew Felix Kaweesi avuga ko kwima abapolisi amazi bizatuma ay’ ubutaha bayacunga neza.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abatavuga rumwe na Mugabe bamaganye OMS yamugize Ambasaderi

Imiryango iharamira uburenganzira bwa kiremwamuntu n’amashyaka atavuga rumwe...
21 October 2017 Yasuwe: 547 0

Malawi: Abashinjwa kunywa amaraso y’abantu bari kwicwa

Igipolisi muri Malawi kimaze gufata abantu barenga ijana na mirongo ine, mu...
21 October 2017 Yasuwe: 681 0

U Burundi bwahanwe n’ ikigenga mpuzamanga kirwanya SIDA

Ikigega mpuzamahanga kirwanya SIDA, Malariya n’ igituntu binyuze muri...
17 October 2017 Yasuwe: 1135 0

Uganda: Abadepite bakomerekeye mu mirwamo bagiye kuvurizwa mu...

Abadepite babiri babarizwa mu Nteko ishinga amategeko ya Uganda bagiye...
9 October 2017 Yasuwe: 1481 0

Amerika: Umukambwe yishe inzirakarengane zirenga 50

Umunyamerika w’imyaka 64 witwa Stephen Paddock wari ufite imbunda yishe...
2 October 2017 Yasuwe: 738 0

Uganda: Abantu 14 baguye mu mpanuka bavuye mu bukwe

Abantu cumi na bane bapfuye, igihe ikamyo yasekuraga bisi yari itwaye...
18 September 2017 Yasuwe: 774 1