Igihugu cya Uganda cyatangaje ko umuntu wa mbere yishwe na Covid-19. Uwapfuye n’Umugandekazi w’imyaka 34 y’amavuko wari utuye mu karere ka Namisindwa gahana imbibi n’igihugu cya Kenya.

Sponsored Ad

Ushinzwe serivisi z’ubuzima muri Uganda, Henry Mwebesa yagize ati “uwafuye n’umugore w’imyaka 34 wari utuye mu karere ka Namisindwa wagaragzaga ibimenyetso bya covid-19 nk’umuriro,inkorora,kubabara umutwe no kunanirwa guhumeka.

Muri ako kato yarushijeho kuremba ndetse ananirwa guhumeka,arakorora cyane ndetse anaribwa umutwe.ku bw’amahirwe make yapfuye kuwa Kabiri tariki ya 21 Nyakanga 2020 saa munani.Yashyinguwe uyu munsi mu buryo bwabugenewe.”

Uyu mugore wahitanywe na Covid-19 muri Uganda ngo yari asanzwe ari umufasha w’abaganga.Minisiteri y’Ubuzima muri Uganda yavuze ko abantu mirongo itatu bashobora kuba baregeranye n’uwo mugore bashyizwe mu kato ndetse ngo n’abandi bamugeze hafi bari gushakishwa kugira ngo basuzumwe.

Uganda yiyongereye kuri Botswana na Burundi bamaze gupfusha umuntu umwe azize Covid-19. Eritrea na Seychelles nibyo bihugu bitaragaragaramo umuntu wahitanywe na Covis-19 muri Afurika.

Abamaze kwandura Covid-19 muri Uganda ni 1,079,Abakirwaye ni 108 mu gihe abakize ari 971.Hamaze gupfa umuntu umwe.