skol
fortebet

Umugabo yakubiswe n’abagizi ba nabi kugeza apfuye bamushinja kwandura Coronavirus

Yanditswe: Wednesday 18, Mar 2020

Sponsored Ad

Mu gihugu cya Kenya haravugwa inkuru ibabaje y’umugabo waketsweho Coronavirus bituma agatsiko k’insoresore kamwibasira,baramukubita kugeza apfuye.

Sponsored Ad

Umuyobozi wa polisi yo muri aka gace ko mu Burasirazuba bwa Kenya uyu mugabo yakubitiwemo witwa Nehemiah Bitok yabwiye BBC ko bagishakisha aba bagizi ba nabi bakubise uyu mugabo gusa ntawe urafatwa ngo afungwe.

Uyu mugabo yakubitiwe ahitwa Msambweni mu ntara ya Kwale,hakundwa cyane na ba mukerarugendo kubera ukuntu haba umucanga mwiza cyane wererana.

Kimwe mu binyamakuru byo muri Kenya cyatangaje ko uyu mugabo yasanzwe iwe n’aya mabandi kuri uyu wa Kabiri avuye kunywa inzoga,amukubita amushinja ko arwaye Coronavirus kugeza apfuye.

Mu gihugu cya Kenya hamaze kugaragara abantu 7 barwaye Coronavirus biganjemo abanyamahanga.

Muri aka karere, ibihugu bimwe byafashe umwanzuro wo gufunga imipaka n’amateraniro ahuza abantu benshi mu rwego rwo guhangana na Coronavirus imaze gukwira isi.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa