skol
fortebet

Umugabo wanduje ku bushake Umupolisi icyorezo cya Coronavirus yahanwe

Yanditswe: Friday 03, Apr 2020

Sponsored Ad

skol

Umugabo wo mu Bwongereza wakororeye ku mupolisi amubwira ko yanduye coronavirus ndetse ashaka kuyimwanduza, yahanishijwe gufungwa amezi atandatu.

Sponsored Ad

Adam Lewis w’imyaka 55 y’amavuko, yabwiye umupolisi ati:“Ndwaye Covid kandi ngiye gukororera mu maso yawe ubundi uyandure”.

Polisi y’Ubwongereza yavuze ko uwo mupolisi yari yiyambajwe n’umuntu ubwo hakorwaga irondo mu gace ka Westminster ko mu murwa mukuru London.

Ni nabwo ibyo byabaye, ku wa kabiri nyuma ya saa sita. Lewis yakatiwe icyo gifungo n’urukiko rwa Westminster nyuma yo guhamwa no gusagarira umukozi utanga ubutabazi bwihuse.

Urukiko rwabwiwe ko uwo mupolisi yabwiwe ko umugabo yari yabonywe agerageza gufungura imiryango y’imodoka zari muri ako gace.

Polisi yavuze ko Lewis yanze ko umupolisi amusaka ndetse amena icupa rya divayi yari afite arikubise mu muhanda.

Byiyongera ku gukororera ku mupolisi, Lewis yanagerageje kumuciraho igikororwa ndetse ashaka no kumuruma, nkuko polisi y’Ubwongereza ibivuga.

Umupolisi mukuru, Ch Supt Helen Harper, yagize ati:“Abapolisi banjye bari gukora uko bashoboye kose ngo rubanda igire umutekano, kandi polisi ikoresha ubushobozi bwayo bwose”.“Turashima ko benshi mu baturage bari gukora uko bashoboye ngo bubahirize ingamba leta yashyizeho”.

Yongeyeho ko ibyabaye kuri uwo mupolisi “biteye ubwoba”, asezeranya ko ingamba “zikomeye”zizafatirwa uwo ari we wese uzagira “imyitwarire itakwihanganirwa” ku mupolisi.

Abantu banduye coronavirus ku isi ubu bamaze kurenga miliyoni imwe nk’uko bitangazwa na kaminuza y’ubushakashatsi ya Johns Hopkins.

Iki cyorezo ubu kimaze kwica abantu barenga 53,000 naho abagerea ku 210,000 baragikize nk’uko iyi kaminuza ibivuga.

Leta zunze ubumwe za Amerika nizo zifite abantu benshi banduye (245,193), kandi muri iki gihugu mu munsi umwe gusa ushize kishe abantu hafi 1,000.

Iyi coronavirus yahawe izina rya Covid-19, yabonetse hagati mu Bushinwa mu mezi atatu ashize.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa