Umugabo w’imyaka 40 wo mu gihugu cy’Ubutaliyani utatangajwe amazina yahuye n’uruva gusenya yongera kwandura Covid-19 kandi yari amaze iminsi mike ayikize.
Uyu mugabo wo mu mujyi wa Turin wari uherutse gusezererwa mu bitaro,yongeye kugira ibyago yandura iyi ndwara yaciye ibintu ku isi yose.

Sponsored Ad

Uyu mugabo yavuwe iyi ndwara arayikira gusa abaganga babanza kumushyira mu kato mu bitaro byitwa Amedeo di Savoia ariko nyuma baje kongera kumupima bagiye kumusezerera basanga aracyayirwaye.

Abaganga bavuze ko uyu mugabo bamupimye bagasanga atakirwaye Coronavirus ariko nyuma baje kongera gupima ibizamini bye basanga iyi ndwara aracyayifite.

Umwe mu baganga witwaye kuri uyu mugabo witwa prof.Giovanni Di Perri yagize ati “Twari twamuvuye yakize,twanabitangaje.”

Uyu mugabo yategetswe kuguma mu bitaro kugira ngo akomeze gukorerwa ibizamini no kuvurwa kugeza igihe ibizamini bizagaragaza ko yakize burundu.

Abaganga bo mu Butaliyani batangaje ko batewe ubwoba n’ubwinshi bw’abantu bari kwicwa na Covid-19 buri munsi.

Aba baganga bavuze ko nubwo bari gukora amanywa n’ijoro ariko iki cyorezo kiri kwiyongera ubutitsa.

Mu Butaliyani,COVID-19 imaze guhitana abantu 2,500 mu gihe abagera ku bihumbi 30,000 bayirwaye.