skol
Kigali
startimes

Umuhanzikazi yasimbutse ku igorofa rya 2 ry’inyubako ubwo yarimo guhunga umukunzi we washakaga kumwica

Amakuru   Yanditswe na: Dusingizimana Remy 15 August 2020 Yasuwe: 7505

Umuhanzikazi wo mu gihugu cya Zambia ariko wabaga mu Budage witwa Cassy Nyemba yavunitse imbavu,umugongo n’ibindi bice by’umubiri bitandukanye ubwo yahungaga umukunzi we babanaga washakaga kumwica.


Cassy Nyemba w’imyaka 39 wari utwite inda y’amezi 3 yahanutse kuri etaje ya 2 y’inyubako yarimo gukubitirwamo n’umukunzi we w’imyaka 60 wanagerageje kumwica nkuko amakuru abitangaza.

Ambasaderi wa Zambia mu Budage witwa Anthony Mukwita yavuze ko uyu mugore yahanutse kuri iyi nyubako ntiyapfa, ubwo yahungaga uyu mukunzi we wamukubise cyane yarangiza akajya gushaka icyuma ngo akimutere amwice.

Kuwa Mbere w’iki cyumweru nibwo ngo mu masaha y’ijoro uyu mugore yakangutse asanga uyu mukunzi we ari kugerageza kumuniga.

Iperereza ryakozwe na polisi ryavuze ko uyu mukunzi wa Nyemba utavuzwe amazina yakoresheje umugozi mu kugerageza kumuniga.

Nyuma yo kugerageza uyu mugozi bikanga,yahise atangira kumuheza umwuka akoresheje umusego nabwo uyu mugore wari utwite amubera ibamba kugeza ubwo yamurekuye ajya gushaka icyuma cyo kumutera.

Uyu mugore yahise abona imbaraga zo guhunga ariko ngo ibaraza ryo ku igorofa rya 2 ry’inzu barimo niryo yabonye yakwitabaza ngo acike niko gusimbuka.

Ababibonye bavuze ko Nyemba yasimbutse aturutse ku igorofa rya 2 ry’inzu ryareshyaga na metero 9 yikubita hasi arangirika cyane.

Abantu bahise bahamagara Ambulance yo gutwara uyu mugore nubwo yari yavunaguritse kubera kugwa nabi.

Ubwo uyu mugore yarimo kwitabwaho,uyu mugabo wamukubitaga yahise yiyahura aturutse kuri etaje ya 13 y’inyubako yabanagamo na Nyemba ahita apfa.

Uyu mugore umerewe nabi cyane yatumye ambasaderi Mukwita asaba polisi y’Ubudage kongera imbaraga abagore bakunze guhohoterwa muri iki gihugu.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5460 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3812 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 494 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 562 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 858 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1898 0