skol
fortebet

Umurundikazi wari uhagarariye OMS muri Guinée équatoriale yirukanwe igitaraganya

Yanditswe: Wednesday 03, Jun 2020

Sponsored Ad

Leta ya Guinée équatoriale yategetse uhagarariye ishami ry’umuryango w’abibumbye ryita ku buzima (OMS/WHO) kuva muri icyo gihugu.

Sponsored Ad

Ibiro ntaramakuru AFP bisubiramo amagambo akubiye mu nyandiko ya minisiteri y’ububanyi n’amahanga ndetse n’ibyavuzwe n’umukozi wo muri OMS.

Leta ya Guinée équatoriale ishinja Dr Triphonie Nkurunziza "gutanga imibare itari ukuri" ijyanye n’uko icyorezo cya coronavirus gihagaze mu gihugu.

Amagambo ya Pascual Obama Asue, Minisitiri w’intebe wa Guinée équatoriale, yagejeje kuri sena ku wa gatanu ushize akaza no gutangazwa kuri televiziyo y’igihugu, yasubiwemo agira ati:

"Nta kibazo dufitanye na OMS, dufitanye ikibazo n’uhagarariye OMS i Malabo [umurwa mukuru wa Guinée équatoriale]".

Ibiro ntaramakuru AFP bisubiramo amagambo y’umukozi wa OMS i Malabo agira ati:

"Leta yamusabye [Dr Triphonie Nkurunziza] kugenda, twabonye inyandiko bikubiyemo - ashinjwa gutangaza imibare itari ukuri ya Covid-19".

Ntacyo Dr Triphonie Nkurunziza yari yatangaza ku mugaragaro.

Dr Nkurunziza aracyari i Malabo kubera ko nta ndege ihamukura ihari, nkuko AFP ibivuga, yongeraho ko imibare itangazwa na OMS n’itangazwa na leta kugeza ubu ari imwe muri icyo gihugu.

Kugeza ubu imibare igaragaza ko abantu 1,306 ari bo bamaze kwemezwa ko banduye coronavirus muri icyo gihugu, 12 muri bo imaze kubica naho 200 barayikize.

Mu kwezi gushize,ministeri y’ububanyi n’amahanga y’u Burundi yirukanye abakozi 4 ba OMS barimo uhagarariye iri shami ry’umuryango w’abibumbye ryita ku buzima OMS/WHO mu Burundi .Yabamenyesheje ko "badakenewe" mu gihugu.

Inyandiko yakwirakwijwe ku mbuga nkoranyambaga yasinyweho n’iyi minisiteri yamenyeshaga ko Dr Walter Kazadi Mulombo uhagarariye OMS mu Burundi, Pr. Tarzy Daniel, Dr Ruhana Mirindi Bisimwa na Dr Jean Pierre Murunda Nkata bategetswe kuva ku butaka bw’u Burundi mbere ya tariki 15/05/2020.

BBC yavuganye na Ezechiel Nibigira minsitiri w’ububanyi n’amahanga w’u Burundi ariko ntiyahakana cyangwa ngo yemeze ibyavugwaga muri iyi nyandiko.

Dr Matshidiso Moeti ukuriye OMS/WHO muri Afurika yabwiye abanyamakuru ko batwaye abakozi babo birukanwe mu Burundi nyuma y’uko leta ivuze ko itabashaka mugihugu.

Mu kiganiro n’abanyamakuru muri World Economic Forum, Madamu Moeti yagize ati: "Ntabwo tuzi impamvu bafashe icyo cyemezo ariko turi gufatanya n’abakozi ba UN muri icyo gihugu ngo bafashe bagenzi bacu kuhava".

Dr Moeti yongeyeho ko OMS ishobora gukomeza gukorana n’aba birukanwe mu bikorwa byo kurwanya iki cyorezo.

Inkuru ya BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa