skol
Kigali
startimes

Umusaruro w’urukingo rwa Covid-19 uzatangira kwigaragaza cyane ku mpeshyi y’umwaka utaha

Amakuru   Yanditswe na: Martin Munezero 17 November 2020 Yasuwe: 3033

Umusaruro w’urukingo rwa Covid-19 uzatangira kwigaragaza cyane ku mpeshyi y’umwaka utaha naho ubuzima busanzwe bwo bwagakwiye kuba bwagarutse ku isi mu mpera y’uwo mwaka, nkuko bivugwa n’umwe mu bakoze uru rukingo.


Profeseri Ugur Sahin, umwe mu bashinze ikigo cy’ubushakashatsi no gukora imiti cya BioNTech, yavuze ko guhera kuri iyi mpera y’uyu mwaka kugeza mu ntangiriro y’utaha urukingo rutaba rwagize icyo rukora gikomeye ku mibare y’abandura Covid-19.

Ku wa mbere, ikigo BioNTech cyo mu Budage hamwe n’uruganda Pfizer rw’imiti rwo muri Amerika bakorana, batangaje ko isesengura ry’ibanze ryagaragaje ko urukingo rwabo rushobora kurinda abantu kwandura Covid-19 ku kigero kirenga 90%. Abantu bagera hafi ku 43,000 ni bo bageragerejweho urwo rukingo.

Ibihugu bimwe byari byaramaze gutumiza urukingo rwa Covid-19 mu gihe rwari kuba rubonetse.Ibyo birimo nk’Ubwongereza bwiteze guhabwa doze (doses) miliyoni 10 z’urwo rukingo bitarenze mu mpera y’uyu mwaka, n’izindi doze miliyoni 30 bwamaze gutumiza.

Urwo rukingo rutangwa mu buryo bwa doze ebyiri, hagacamo igihe cy’ibyumweru bitatu hagati yo gufata doze ya mbere n’iya kabiri.

Mu kiganiro Andrew Marr Show cyo kuri televiziyo ya BBC, Profeseri Sahin yavuze ko yizeye ko uru rukingo ruzagabanya ikwirakwira ry’ubwandu ndetse rugatuma ibimenyetso bya Covid-19 bitagaragara ku muntu waruhawe.

Yavuze ko bishoboka ko uru rukingo rushobora kugabanyaho kimwe cya kabiri igipimo cy’abandura, ibi bikaba byatuma habaho impinduka zikomeye.

Yagize ati: “Nizeye cyane ko ubwandu mu bantu buzagabanywa n’uru rukingo rutanga umusaruro wo ku rwego rwo hejuru – wenda ntibuzagabanuka kuri 90% ariko wenda nko kuri 50% – ariko ntidukwiye kwibagirwa ko n’ibyo nabyo ubwabyo byatuma tugera ku igabanuka rikomeye ry’ikwirakwira ry’icyorezo”.

Profeseri Sahin yavuze ko ibintu nibikomeza kugenda neza, uru rukingo ruzatangira gutangwa “mu mpera y’uyu mwaka [cyangwa], mu ntangiriro y’umwaka utaha”.

Yavuze ko intego bari bihaye ari iyo kuba batanze doze zirenga miliyoni 300 z’uru rukingo mu bice bitandukanye byo ku isi bitarenze mu kwezi kwa kane k’umwaka utaha. Avuga ko ibyo “byadufasha nibura gutangira kugira icyo duhindura mu mibereho” y’abantu.

Yavuze ko umusaruro munini kurushaho uzaboneka nyuma yaho, yongeraho ati: “Impeshyi izadufasha kuko igipimo cy’ubwandu kizajya hasi ku mpeshyi kandi ikintu cy’ingenzi cyane ni uko tugira ikigero kiri hejuru cyane cyo gukingira…”

Kugeza ubu ku isi hamaze gutangazwa abantu barenga miliyoni 54 banduye Covid-19, muri bo abarenga miliyoni 1,3 imaze kubica nkuko imibare ya Kaminuza ya Johns Hopkins yo muri Amerika ibigaragaza.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ifoto y’umunsi: Guverinoma yakoresheje indege za kajugujugu mu kugeza...

Indege ya RDF yo mu bwoko bwa helicopter iri kuzenguruka hirya no hino mu...
4 March 2021 Yasuwe: 4273 0

Bafashwe bamaze gukora ibihumbi byinshi by’inkingo mpimbano za...

Polisi y’Ubushinwa na polisi y’Afurika y’epfo zafashe doze zibarirwa mu...
4 March 2021 Yasuwe: 5269 0

Abanyeshuri benshi bahanutse kuri etaje ya 4 bikubita hasi 7 muri bo...

Ikigo cya Bolivia gishinzwe iperereza gikomeje gucukumbura icyateye urupfu...
3 March 2021 Yasuwe: 5619 0

Japan: Umuherwe arashaka abantu umunani bajyana ku kwezi akabishyurira

Yusaku Maezawa, umuherwe w’Umuyapani utunze za miliyari, yatumiye abantu...
3 March 2021 Yasuwe: 3390 0

Muri Sudani y’Epfo Abajenerali 3 bapfiriye rimwe umunsi umwe

Muri Sudani y’Epfo Coronavirus iravuza ubuhuha aho mu munsi umwe gusa...
3 March 2021 Yasuwe: 3818 0

Ikishe Mushimiyimana Jacqueline wari wagiye mu birori by’isabukuru ye...

Umuvugizi wa Minisiteri y’umutekano w’imbere mu Burundi, Pierre Nkurikiye...
3 March 2021 Yasuwe: 8007 0