skol
Kigali
startimes

Umuyobozi wa Dar Es Salam yatangaje ko Covid-19 yashize asaba abaturage gusubira mu buzima busanzwe

Amakuru   Yanditswe na: Dusingizimana Remy 23 May 2020 Yasuwe: 1489

Umuyobozi w’umujyi wa Dar es Salaam muri Tanzania, Paul Makonda, yasabye abaturage gutembera muri uyu mujyi kuri iki cyumweru bakajya aho bashaka hose yaba mu masoko n’ahandi kuko icyorezo cya coronavirus cyashize burundu mu gihugu.


Makonda yababwiye ko amaduka yose agabanya igiciro kugeza ku kigero cya 80%,abasaba kujya kugura imyenda myiza yo gusohokana n’ibindi bakeneye bakanitabira igikorwa cyo kwishimira irangira rya coronavirus..

Hagati aho, abanya Tanzaniya benshi bafite ubwoba bwinshi ndetse ntibizeye ibyatangajwe na Bwana Makonda, kuko ngo bakeka ko ingingo ibuza abantu kwegerana ishobora kutubahirizwa baramutse begeranye bikabaviramo kwandura Coronavirus.

Nta muntu n’umwe cyangwa ishyirahamwe iryo ari ryo ryose ryatangaje ko coronavirus yarangiye muri iki gihugu.

Mu minsi mike ishize,Ambasade ya Leta Zunze Ubumwe za Amerika muri Tanzania yatangaje ko ibitaro byo mu mu mujyi wa Dar es Salaam byari "byuzuye" abarwayi benshi.

Ishyaka ritavuga rumwe n’ubutegetsi, ACT-Wazalendo, ryamaganye ibyatangajwe na leta ko Coronavirus yagabanutse muri Tanzania.

Hashize hafi ibyumweru bitatu iki gihugu gihagaritse gutangaza amakuru mashya ya buri munsi ajyanye n’umubare w’abanduye n’abahitanwe na COVID-19.

Perezida John Magufuli,yashimangiye ko iki cyorezo cyagabanutse ndetse ahita atangaza gufungura kw’amashuri,ubukerarugendo,n’imikino.Icyakora Tanzania ntiyafunze insengero.

Imibare yaherukaga gutangazwa yavugaga ko abantu 509 ari bo banduye coronavirus, 21 nabo bakaba ari bo bari bamaze guhitanwa nayo muri Tanzania

Guhera ku munsi w’ejo tariki ya 22 Gicurasi 2020,Abanyatanzania batangiye igihe cy’iminsi itatu yo gushimira Imana nyuma yaho Perezida John Magufuli atangarije ko ubwandu bwa Covid-19 bwagabanutse mu gihugu.

Perezida Magufuli yashishikarije abaturage gukoresha iki gihe bagashimira Imana kubera ukuntu yarwanyije iki cyorezo, avuga ko ibi ari ingenzi mu gufasha Tanzania kwirinda coronavirus.

Byatumye hibazwa byinshi ku ishusho nyakuri y’uko iki cyorezo gihagaze muri iki gihugu.

Iyi ni indi nshuro Bwana Magufuli asabye abaturage ba Tanzania gusenga iminsi itatu, uhereye ku wa gatanu kugeza ku cyumweru.

Kuri iyi nshuro avuga ko ari uburyo bwo kwereka Imana ko bashima icyo yavuze ko ari igabanuka ry’umubare w’abanduye Covid-19 mu gihugu.

Iyo gahunda yo guhura igaragara nk’irenga ku mabwiriza y’ishami ry’umuryango w’abibumbye ryita ku buzima (OMS/WHO) abuza kwegerana mu rwego rwo kwirinda kwiyongera k’ubwandu bwa coronavirus.

Muri iki cyumweru, leta ya Tanzania yatangaje ko izongera gufungura amashuri amwe n’amwe ndetse ko n’ibikorwa by’imikino bigiye gusubukurwa.

Amakenga ku ’igabanuka’ ry’ubwandu

Leta ya Tanzania yanatangaje ko guhera mu cyumweru gitaha izemerera abagenzi baturutse mu mahanga kwinjira mu gihugu.

Depite Zitto Kabwe utavuga rumwe n’ubutegetsi bwa Tanzania, yanenze izo ngamba za leta avuga ko atari ukuri ko imibare ya Covid-19 iri kugabanuka mu gihugu.

Mu minsi micye ishize muri uku kwezi kwa gatanu, Leta Zunze Ubumwe z’Amerika zatangaje ko leta ya Tanzania ahanini itangaza imibare iri hasi cyane y’ubwandu bwa coronavirus.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 654 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 672 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 772 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1929 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1330 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2599 2