skol
Kigali
startimes

Urukingo rwa Covid-19 rwagereranijwe n’umubare 666

Amakuru   Yanditswe na: Martin Munezero 14 December 2020 Yasuwe: 5440

Kuri uyu wa Gatanu tariki ya 11 Ukuboza 2020, Perezida w’Urukiko rw’Ikirenga muri Afurika y’Epfo Mogoeng Thomas Reetsang Mogoeng yahagaze ashikamye ku isengesho yasenze yamagana inkingo za Covid-19, avuga ko zifitanye isano n’umugambi wa Satani wo gutuma abantu bose baterwa umubare wa 666, aho kuri ubu akomeje kotswa igitutu n’abatavuga rumwe n’igitekerezo cye.


Uyu Thomas Reetsang Mogoeng, usanzwe ari umukirisitu, yanenzwe bikomeye ku mbuga nkoranyambaga nyuma y’isengesho yasengeye mu gikorwa cyo kunamira abantu bamaze guhitanwa na Covid-19 cyaberaga i Johanesburg kuwa Kane ushize.

Mogoeng mu isengesho rye yagize ati: “mfunze buri mudayimoni wa Covid-19, mfunze urukingo urwo arirwo rwose rutari urwanyu, niba hari urukingo urwo arirwo rwose rwa satani rugamije kwinjiza 666 mu buzima bw’abantu, rugamije kwangiza ADN zanyu.”

Kuri uyu wa Gatanu, nk’uko turubuga News24 rwo muri Afurika y’Epfo dukesha iyi nkuru rubitangaza, uyu mugabo yabwiye itangazamakuru ko nta kizamubuza kwamagana cyangwa gusengera inkingo “zishobora kuba ari iza Satani.”

Yagize ati: “Ntushobora kuvuga ngo tugomba, nk’abakirisitu, kuzinga amaboko yacu ngo tuvuge ngo icyo abantu bazanye cyose ni kiza. Oya. Ntidushobora,”

Yakomeje agira ati: “Niba hari urukingo rufite 666, ndashaka ko Imana irusenya. Niba hari urukingo rwose rwaba rugamije kwangiza ADN z’abantu, ndasaba Imana kuruhagarika.”

Ibi Perezida w’Urukiko rw’Ikirenga muri Afurika y’Epfo yabitangaje mu gihe Guverinoma y’iki gihugu yaburiye buri wese ukwirakwiza amakuru atari yo kuri Coronavirus, mu gihe kandi igihugu kitegura kwakira inkingo za mbere z’iki cyorezo kimaze gufata abasaga 800,000, mu gihe kimaze guhitana abasaga 23,000.

Ibi ariko ntibyabujije Mogoeng kugira icyo atangaza kuri iki kibazo kubera inshingano ze.

Ati: “Iki ni igihugu cyigenga. Ntabwo ndibucecekeshwe. Ntabwo nitaye ku ngaruka,”

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3420 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7003 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3141 0

UK: Urundi rukingo rwa Covid-19 ruratangira guterwa abantu kuva kuwa...

Urukingo rwa coronavirus rwakozwe n’abahanga bo muri kaminuza ya Oxford...
30 December 2020 Yasuwe: 3297 0

Pierre Buyoya wigeze kuyobora u Burundi yashyinguwe muri Mali

Uyu munsi nibwo mu mujyi wa Bamako,muri Mali habaye umuhango wo...
29 December 2020 Yasuwe: 5101 0

Uganda:Abantu 21 baguye mu mpanuka y’ubwato bwajyaga muri RDC

Impanuka y’ubwato mu kiyaga cya Albert kiri ku mupaka wa Uganda na...
26 December 2020 Yasuwe: 3311 0