skol
Kigali
startimes

Urupfu rw’umuhanzi wo muri Ethiopia rumaze guhitana abantu 166

Amakuru   Yanditswe na: Martin Munezero 6 July 2020 Yasuwe: 1648

Imyigaragambyo ishingiye ku moko yakurikiye iyicwa ry’umuhanzi Hachalu Hundessa wo muri Ethiopia yaguyemo abantu 166, nkuko ubuyobozi bubivuga.


Umupolisi wo ku rwego rwo hejuru yavuze ko abaturage b’abasivile 145 n’abantu 11 bakora mu nzego z’umutekano bapfiriye mu karere ka Oromia honyine, aho uwo muhanzi akomoka.Yavuze ko abandi 10 biciwe mu murwa mukuru Addis-Abeba.

Hachalu wari ufite imyaka 34 y’amavuko, yishwe arashwe ku wa mbere nijoro w’icyumweru gishize ubwo yari atwaye imodoka, biteza imyigaragambyo yahereye mu karere ka Oromia aho yafatwaga nk’intwari.Impamvu y’urupfu rwe ntiramenyekana. Hachalu yari yaravuze ko yakangishijwe ko azicwa.

Indirimbo ze zibandaga ku guharanira uburenganzira bw’abo mu bwoko bwa Oromo, ba nyamwinshi mu gihugu.Zaje kwifashishwa cyane mu nkubiri y’imyigaragambyo yagejeje ku kwegura kw’uwari minisitiri w’intebe mu mwaka wa 2018.

Umunyamakuru wa BBC Kalkidan Yibeltal uri muri Ethiopia avuga ko ubushyamirane bushingiye ku moko no ku myemerere y’idini bwiyongereye nyuma y’iyicwa ry’uwo muhanzi.

Ubwo yatangazaga iyi mibare mishya, Girma Gelam, umukuru wungirije wa polisi mu karere ka Oromia, yavuze ko abantu 167 “bakomerekeye bikomeye” muri iyo midugararo.

Bwana Gelam yavuze ko abantu 1,084 batawe muri yombi, ariko ntiyagira andi makuru atanga.

Mu itangazo yasohoye, uwo mupolisi mukuru yavuze ko iyo midugararo irimo urugomo ubu “yahagaze burundu”.

Minisitiri w’intebe Abiy Ahmed, na we wo mu bwoko bwa Oromo, wageze ku butegetsi mu 2018, yaburiye ko abari inyuma y’urupfu rwa Hachalu bashakaga gukoma mu nkokora gahunda ye y’amavugurura mu gihugu.

Yagize ati: “Dufite amahitamo abiri nk’abaturage [ba Ethiopia]. Kugwa mu mutego uri gutegwa n’abatatwifuriza ineza cyangwa kubererekera uwo mutego wabo tukaguma mu murongo w’amavugurura”.

“Guhitamo ayo mahitamo ya mbere ni ukubafasha mu mugambi wabo wo kuturimbura”.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2123 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 713 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 696 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 819 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1961 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1346 0