skol
Kigali
startimes

U Bufaransa bwemereye umushakashatsi kubona inyandiko zireba u Rwanda za Perezida Mitterrand

Amakuru   Yanditswe na: Dusingizimana Remy 13 June 2020 Yasuwe: 445

Urwego rushinzwe kugira inama Guverinoma y’u Bufaransa no gukurikirana ibibazo birebana n’ibyemezo by’ubutegetsi “Conseil d’Etat” rwemereye umushakashatsi François Graner kugera ku nyandiko zibitse amateka y’u Rwanda ku butegetsi bwa François Mitterrand.


Inyandiko uyu mushakashatsi uri mu muryango Surivie w’abahirimbanira impinduka za Politiki y’ Bufaransa kuri Afurika yaherewe uburenganzira bwo gukoresha mu bushakashatsi,ni izigaragaza uruhare rw’icyo gihugu muri Jenoside yakorewe Abatutsi cyane cyane hagati y’umwaka wa 1990 na 1995.

Hari abatekereza ko gucukumbura izi nyandiko za Perezida Mitterand bishobora kuzahishura byinshi birebana n’amakuru u Bufaransa bwari bufite muri kiriya gihe, ku ngingo zirebana n’itegurwa rya Opération Turquoise, ibikorwa by’Abafaransa mu Rwanda n’uburyo batereranye Abatutsi mu Bisesero.

Kuba uriya mushakashatsi yemerewe kugera ku nyandiko zari zimaze imyaka zaragizwe ndakorwaho,hari ababibona nk’amarembo afunguye ku bandi bashakashatsi bakifuza gucukumbura amakuru azikubiyemo.

Muri Gicurasi 2018, Perezida w’u Bufaransa, Emmanuel Macron yatangaje ko igihugu cye kiteguye guha rugari abashakashatsi bagasesengura uruhare rw’iki gihugu mu mateka ya Jenoside yakorewe Abatutsi mu Rwanda mu 1994.Nyuma gato y’umwaka umwe iryo tsinda ry’abashakashatsi ryashyizweho.

U Bufaransa ni kimwe mu bihugu bicumbikiye benshi mu bakekwaho kugira uruhare muri Jenoside yakorewe Abatutsi. Muri iki gihugu ni na ho haherutse gufatirwa Kabuga Felicien,umugabo wari umaze imyaka n’imyaka ashakishwa kubera uruhare akekwaho muri iyi Jenoside yakorewe Abatutsi.

RBA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ibaruwa irimo uburozi bwa ’ricin’ yari igiye guhabwa Trump muri White...

Ubutumwa burimo uburozi bwa ’ricin’ bwari bwohererejwe Perezida Donald Trump...
20 September 2020 Yasuwe: 2128 0

Indonesia: Abafashwe banze banze kwambara agapfukamunwa bari gutegekwa...

Mu cyaro kimwe cyo mu gihugu cya Indonesia,abaturage bari gufatwa batambaye...
18 September 2020 Yasuwe: 720 0

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 700 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 823 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1961 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1346 0