skol
Kigali
startimes

US: Umugore wari mu kiruhuko cy’izabukuru yishwe n’igifi cy’inkazi ari koga mu nyanja

Amakuru   Yanditswe na: Dusingizimana Remy 29 July 2020 Yasuwe: 2054

Bwa mbere muri leta ya Maine iri mu burasirazuba bwa Leta Zunze Ubumwe za Amerika ifi nini yo mu bwoko bwa ’white shark’ yishe umugore wari mu nyanja yoga.


Kuwa mbere, uyu mugore yariho yogera hafi y’ikirwa cya Bailey kiri hafi y’umujyi wa Portland ubwo iyi fi yo mu bwoko bw’iz’inkazi yamuteraga.

Julie Holowach w’imyaka 63, w’i New York wari uherutse kujya mu kiruhuko cy’izabukuru niwe wishwe n’iyi fi mu gitero kidasanzwe kuko amazi yo muri aka gace ubu ari akazuyazi.

Madamu Holowach yariho yoga ari kuri metero 18 gusa uvuye ku nkombe, yoganaga kandi n’umukobwa we Mackerel Cove ubwo iyi fi yabateraga nk’uko ikinyamakuru Portland Press Herald kibivuga. Umukobwa we ntacyo yabaye.

Tom Whyte yabwiye iki kinyamakuru ko yabirebaga ari hejuru mu biro bye biri hafi aho ku nyanja.

Ati: "Nabanje kumwumva aseka mu byishimo, hashize akanya numva Julie atangiye kuvuza induru asaba ubufasha.

"Muri ako kanya ahita amanuka munsi. Bigaragara ko hari ikintu kimukuruye".

Bwana Whyte avuga ko umukobwa wa Jullie yari yatangiye koga asanga nyina.

Undi wabonye uko byageze yabwiye Press Herald ko yabonye "amaraso menshi cyane mu mazi".

Abantu babiri bakoresha ubwato butoya babashije kugarura Madamu Holowach ku nkombe, haje n’imodoka ifasha abarwayi ariko nyuma biza kuvugwa ko yapfuye.

Agace k’iryinyo habonetse aho byabereye katumye bemeza ko yatewe n’ifi nini yo mu bwoko bwa ’white shark’ nk’uko umutegetsi w’aha abivuga.

Holowach bivugwa ko yari yambaye umwenda wo kogana w’ibara risa n’uruhu rw’inyamaswa zo mu mazi zitwa ’seals’, bivugwa ko iyi fi yaketse ko ari iriya nyamaswa.

Aya mafi Manini yakunze kuboneka ku mwaro wa Maine mu bihe by’impeshyi aho izi nyamaswa za ’seals’ zoga mu mazi yaho.

Indi nshuro imwe ifi nk’iyi yasagariye umuntu muri Maine, ni mu 2010 ubwo umuhanga mu gucubira mu mazi yaterwaga nayo ariko akahava amahoro adakomeretse nk’uko Press Herald ibivuga.

Mu byumweru bishize, amafi yo mu bwoko bwa ’sharks’ yakunze kugararagara ku nkengero z’umwaro w’iburasirazuba bushyira amajyaruguru ya Amerika, cyane cyane muri New York.

Ajya aboneka kandi ahitwa Cape Cod muri Massachusetts aho mu 2018 umuntu ukora siporo yo kunyerera ku mazi (surfing) yishwe na bene iyi fi.


Madamu Holowach wishwe n’igifi cy’inkazi

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tanzania: Abana 10 bapfiriye mu muriro wafashe inzu bararaGAmo ku ishuri...

Abana 10 bapfiriye mu muriro watwitse inzu bararamo mu gicuku cy’uyu munsi...
14 September 2020 Yasuwe: 666 0

RDC: Ibirombe byagwiriye abantu 50 bose bahita bahasiga ubuzima

Ibirombe 3 byacukurwagamo Zahabu mu gace kitwa Kamituga muri RDC byagwiriye...
12 September 2020 Yasuwe: 763 0

Kugeza urukingo rwa Coronavirus ahatandukanye ku isi ’bizasaba indege 8000...

Urwego rw’ubwikorezi bwo mu ndege ruvuga ko kugeza urukingo rwa coronavirus...
10 September 2020 Yasuwe: 1918 0

Australia: Umugabo warimo aserebeka ku nyanja yishwe n’igifi cya...

Umugabo wo muri Australia yishwe n’ifi yo mu bwoko bwa Shark ku mwaro...
9 September 2020 Yasuwe: 1325 0

"Kungana kw’abagore n’abagabo ntibizigera biba mu Burundi"-Angélique...

Umufasha w’umukuru w’igihugu cy’Uburundi, Angélique Ndayubaha Ndayishimiye...
7 September 2020 Yasuwe: 2597 2

Mali: Ibrahim Boubacar Keïta wahiritswe ku butegetsi yagiye kwivuriza muri...

Ibrahim Boubacar Keïta, wahiritswe ku butegetsi muri Mali mu kwezi gushize...
6 September 2020 Yasuwe: 659 0