Kigali

Uwarokotse umubyigano w’abantu barwaniraga amazi y’umugisha mu rusengero yavuze ku rugomo rwatumye benshi bahasiga ubuzima

Amakuru   Yanditswe na: Dusingizimana Remy 3 February 2020 Yasuwe: 4026

Mu ijoro ryo kuwa Gatandatu w’icyumweru gishize taliki ya 01 Gashyantare 2020 nibwo mu gihugu cya Tanzania habaye akaga gakomeye abantu 20 bari mu rusengero rw’aba pentekoti rwo mu gace kitwa Moshi babyiganira gusigwa amavuta ahawe umugisha nk’abari kurwanira amadolari.



Abarokotse bavuze ko Pasiteri Boniface Mwamposa wiyita ’intumwa’ yabwiye abitabiriye amasengesho babarirwa mu magana ngo basohokere mu muryango umwe werekeza aho yari yasutse ayo mavuta bagenda bagundagurana,bamwe baterana inkokora n’ibipfunsi.

Abakirisito bahise babyiganira kunyura muri ayo "mavuta ahawe umugisha",bizeye ko byatuma bakira indwara barwaye, nkuko bivugwa na Kippi Warioba ukuriye polisi mu karere ka Moshi.

Nkuko Peter Kilewo, umwe mu bari bitabiriye ayo masengesho,yabitangarije Ibiro ntaramakuru AFP,ngo byari "ibintu biteye ubwoba,...abantu bahonyorana nta mpuhwe, ari nako baterana inkokora".



Yongeyeho ati: "Byari bimeze nkaho pasiteri yari amaze kuhajugunya ikirundo cy’amadolari".

Perezida John Magufuli yihanganishije abo mu miryango yabuze abayo anasaba inzego z’umutekano ko ubutaha zigomba kujya zigenzura neza ingamba zijyanye n’umutekano mu gihe hagiye kuba amakoraniro manini mu gihugu.

Polisi yataye muri yombi uwo pasiteri, ubu akaba ari guhatwa ibibazo.



Bwana Warioba yavuze ko abategetsi bari kureba niba hari abandi bakomeretse cyangwa bapfuye baba bajyanwe ku bigo nderabuzima n’ibitaro byo hafi aho.

Yabwiye ibiro ntaramakuru Reuters ati: "Byabaye nijoro kandi hari hari abantu benshi, rero birashoboka ko haboneka abandi bapfuye cyangwa bakomeretse. Turi kubikurikirana".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugore washyize hanze umubano wa perezida Clinton n’umukobwa wimenyerezaga...

Umukozi wa leta wavuze bwa mbere iby’urukundo rw’ibanga hagati ya Perezida...
9 April 2020 Yasuwe: 1436 0

Umujyi wa Wuhan watangiriyemo COVID-19 abaturage basubiye mu buzima...

Igihugu cy’Ubushinwa cyatangaje kuri uyu wa kabiri ko itegeko cyari...
8 April 2020 Yasuwe: 5064 0

Coronavirus yakoze umuhigo ukomeye wo kwica abantu benshi cyane ku munsi...

Muri Leta zunze ubumwe za Amerika coronavirus yishe abantu 1,736 mu gihe...
8 April 2020 Yasuwe: 7761 1

Burundi: Abantu 4 barafunzwe bazira kunanirwa kwishyura Hoteli baherewemo...

Abarundi bane barimo abagabo batatu n’umugore umwe bafungiwe mu kasho...
7 April 2020 Yasuwe: 3737 1

#Kwibuka26: UN yifatanyije n’Abanyarwanda Kwibuka jenoside yakorewe...

Kuri uyu wa 07 Mata 2020 isi yose izirikana Jenoside yakorewe Abatutsi,aho...
7 April 2020 Yasuwe: 539 0

Coronavirus:Minisitiri w’intebe w’Ubwongereza arembeye mu bitaro

Minisitiri w’intebe w’Ubwongereza Boris Johnson yashyizwe mu bitaro...
7 April 2020 Yasuwe: 1670 0