Kigali
startimes

Zambia: Leta yashimiye indaya kubera umusanzu ziri gutanga mu kurwanya ikwirakwira rya COVID-19

Amakuru   Yanditswe na: Dusingizimana Remy 11 May 2020 Yasuwe: 2902

Abakora akazi ko kwigurisha bakunze kwitwa ’indaya’ bari gufasha leta gukurikirana abantu bashobora kuba baranduye coronavirus nyuma y’uko muri iki gihugu habonetse abantu bashya banduye mu mujyi witwa Nakonde uri ku mupaka nk’uko minisitiri w’ubuzima abivuga.



Minisitiri Chitalu Chilufya avuga ko abantu 76 muri 85 bashya bamenyekanye ko banduye babonetse muri uwo mujyi ari ’indaya’ cyangwa abashoferi b’amakamyo.

Yagize ati: "indaya zaradufashije cyane mu kuduha amakuru yose dukeneye".

Kugeza ubu muri Zambia hamaze kuboneka abantu 267 banduye Covid-19 na barindwi yishe.

Mu cyumweru gishize, Perezida Edgar Lungu yatangaje koroshya ingamba zari zarafashwe hafungurwa ibikorwa bimwe na bimwe nyuma y’ukwezi ibintu byose byarahagaritswe.

Minisitiri Chilufya yavuze iki?

Bwana Chilufya yagize ati: "Ibintu biracyifashe nabi muri Nakonde". Yongeraho ko ariyo mpamvu Perezida Lungu yategetse ko umupaka uba ufunzwe.

Nakonde ikunda kuba irimo amakamyo menshi ava muri Zambia andi yinjira ava muri Tanzania nk’uko BBC i Lusaka Ibitangaza.

Avuga ko abashoferi b’amakamyo bafatwa nk’abugarijwe cyane no kwandura iki cyorezo kuko bahagarara mu duce twinshi kandi bazwiho gukora imibonano mpuzabitsina n’abantu benshi.

Bwana Chillufya yagize ati: "Bari [indaya] kudufasha cyane mu iperereza ryacu kandi ntabwo dushaka ko bakorerwa ivangura. Bari kudufasha gushakisha abakekwa ko banduye.

"Hari umwe muri bo twabonye afite ibimenyetso atubwira umukiriya we utwara ikamyo wo mu kindi gihugu anaduha numero ye ya telephone. Twarayihamagaye batubwira ko uwo muntu arwaye Covid-19".

Abategetsi mu karere ka Afurika y’iburasirazuba nabo baraganiriye nyuma y’uko abashoferi b’amakamyo bibonetse ko bari mu bari gukwirakwiza iki cyorezo mu karere.

Perezida Yoweri Museveni wa Uganda aheruka gutangaza ko yahamagaye bagenzi bo muri aka karere by’umwihariko ku kibazo cy’abashoferi b’amakamyo.

Uganda yategetse ko aba bashoferi bazajya babanza bagasuzumwa mbere yo kwinjira muri iki gihugu, kandi babujijwe kugira aho bacumbika muri Uganda.

Mu Rwanda, imibare yatanzwe na minisiteri y’ubuzima yerekana ko mu karere ka Kirehe gahana umupaka na Tanzania hari umubare munini w’abanduye Covid-19, ahanini kubera abashoferi b’amakamyo, abakorana nabo n’abo bahura nabo.

Hafashwe icyemezo ko nta mushoferi wongera kwinjira mu Rwanda, ikamyo azanye yakirirwa ku mupaka n’undi mushoferi wo mu Rwanda akageza ibyo itwaye aho bigiye akayimugarurira.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Impanuka ya Kajugujugu ya gisirikare muri Kenya yahitanye ubuzima...

Mu gitondo cyo kuri uyu wa mbere, nk’uko ibitangazamakuru byo muri Kenya...
14 July 2020 Yasuwe: 324 0

Zindzi Mandela, umukobwa wa Nelson Mandela, yapfuye

Zindzi Mandela-Hlongwane — umukobwa w’uwahoze ari perezida wa Afurika y’epfo...
13 July 2020 Yasuwe: 2818 1

Perezida Evariste Ndayishimiye yasuye umubyeyi wa nyakwigendera Petero...

Umukuru w’igihugu cy’uBurundi Evariste Ndayishimiye n’umugore we basuye...
12 July 2020 Yasuwe: 14236 1

Burundi: Umugore wa Perezida Ndayishimiye yahembye umugore wabyaye abana 3...

Umugore wa Perezida w’u Burundi witwa Angélique NDAYISHIMIYE yagaragaye ku...
12 July 2020 Yasuwe: 5185 0

Donald Trump wasuzuguraga cyane agapukamunwa yavuye ku izima...

Perezida Donald Trump wa Leta Zunze Ubumwe z’Amerika yambaye agapfukamunwa...
12 July 2020 Yasuwe: 1795 0

Ubushakashatsi bwagaragaje ko Coronavirus yandurira mu mwuka

Ubu bushakashatsi bwagaragaje ko Coronavirus yandurira mu mwuka mu gihe...
11 July 2020 Yasuwe: 2184 0