Abakuru b’ ingabo z’ Afganistani beguye kubera ibitero by’ Abatalibani

Amakuru   Yanditswe na: 24 April 2017 Yasuwe: 1269

Perezidansi ya Afghanistan yatangaje ko uwari Minisitiri w’ ingabo Abdullah Habibi n’ umugaba mukuru w’ ingabo Qadam Shah Shaheem beguye ku buyobozi bitewe n’ ibitero by’ Abatalibani bikomeje kwambura ubuzima ingabo z’ icyo gihugu.

Ku wa Gatanu tariki 21 Mata igitero gikomeye cy’ Abatalibani cyagabwe ku birindiro by’ ingabo z’ Afghanistan, igisirikare cya Afghanisitan kivuga ko aricyo gitero cyahitanye ubuzima bw’ abantu benshi kuva 2001.

Ubwo ingabo z’ Afghanistan zari mu musigiti mu masengesho yo ku Gatanu tariki 21 Mata 2017, abarwanyi b’ abatalibani biyambitse nk’ ingabo z’ Afghanistani zinjira mu birindiro by’ izo ngabo batwaye imodoka ya gisirikare maze zitangira kumisha urufaya rw’ amasasu ku ngabo z’ Afghanistan.

Benshi mu ngabo zaguye muri icyo gitero ni abasirikare bafite imyaka mike bari bamaze igihe gito binjiye mu gisirikare.

Amakuru atangwa n’ igisirikare cy’ Afghanistan avuga ko abo barwanyi bari bitwaje intwaro zirimo amagerenade, n’ imbunda kandi bambaye imyambaro y’ abiyahuzi.

Minisiteri y’ ingabo ivuga abo barwanyi bose bishwe. Iyo Minisiteri ntabwo yatangaje umubare nyakuri w’ abaguye muri icyo gitero gusa yavuze ko abapfuye n’ abakomeretse bose hamwe barenga 100.

BBC yatangaje ko yahawe amakuru ko icyo gitero cyaguyemo nibura abantu 136, ikavuga kandi ko hari umutangabuhamya wayibwiye ko yabonye imirambo 165.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uganda: Umupadiri akurikiranyweho kwica abashinzwe umutekano...

Polisi ya Uganda yataye muri yombi abantu batanu barimo n’ umupadiri...
12 December 2017 Yasuwe: 333 0

Magufuli ababajwe cyane n’abasirikare be biciwe muri Kongo

Abasirikare 14 mu bari mu butumwa bw’amahoro muri Repubulika Iharanira...
9 December 2017 Yasuwe: 700 0

Juba: Abasirikare b’u Rwanda bambitswe imidali y’ishimwe na Loni-AMAFOTO

Ingabo z’u Rwanda, zo muri Rwanbatt1, ziri mu butumwa bw’amahoro mu Muryango...
9 December 2017 Yasuwe: 378 0

Congo: Inyeshyamba zivuganye abasirikare ba Loni 14

Abasirikare 14 mu bari mu butumwa bw’amahoro muri Repubulika Iharanira...
8 December 2017 Yasuwe: 934 0

Inyeshyamba ziriyongera mu burasirazuba bwa Congo kubera Kabila

Itsinda ryashyizweho n’ Umuryango Mpuzamahanaga Uharanira Uburenganzira bwa...
8 December 2017 Yasuwe: 1396 0

Nigeria: Generali wari uyoboye kurwanya Boko Haram yirukanwe

Igisirikare cyo muri Nigeria cyirukanye umusirikare wari uyoboye igikorwa...
8 December 2017 Yasuwe: 584 0