Abasirikare batatu ba ONU muri Mali bakomoka mu gihugu cya Tchad bashwe kuwa kane tariki ya 27 Ukwakira 2017 abandi babiri barakomereka, igihe imodoka barimwo yanyuraga ku gisasu cyatezwe mu kuzimu mu majyaruguru y’iki gihugu.
Minusma ivuga ko ibyo byabereye mu majyaruguru y’agace ka Kidal gahana urubibi na Aljeriya.
ONU ivuga ko itazacika intege mu gukomeza ibikorwa byabo byo kugarura ituze n’amahoro muri Mali kandi ko ibitero byibasira aba basira bari mu butumwa bw’amahoro bishobora (...)

Sponsored Ad

Abasirikare batatu ba ONU muri Mali bakomoka mu gihugu cya Tchad bashwe kuwa kane tariki ya 27 Ukwakira 2017 abandi babiri barakomereka, igihe imodoka barimwo yanyuraga ku gisasu cyatezwe mu kuzimu mu majyaruguru y’iki gihugu.

Minusma ivuga ko ibyo byabereye mu majyaruguru y’agace ka Kidal gahana urubibi na Aljeriya.

ONU ivuga ko itazacika intege mu gukomeza ibikorwa byabo byo kugarura ituze n’amahoro muri Mali kandi ko ibitero byibasira aba basira bari mu butumwa bw’amahoro bishobora gushyirwa mu byaha by’intambara hisunzwe amategeko mpuzamahanga.

Abo basirikare baje biyongera ku bandi babiri barashwe muri Nzeri uyu mwaka mu buryo nk’ubu batezwe igisasu nabwo imodoka iraturika.Hari kandi n’abandi batatu bishwe ku itariki ya 24 Nzeri nabwo mu majyaruguru y’iki gihugu.

Umunyamabanga Mukuru w’Umuryango w’Abibumbye ndetse n’akanama k’umutekano bamaganye iki gitero.Umuvugizi wa Loni wungirije, Farhan Haq yatangaje ko Guterres yahise asaba Guverinoma ya Mali n’imitwe yitwaje ibirwanisho yo muri iki gihugu, kwihutisha ishyirwa mu bikorwa ry’amasezerano y’amahoro.

Kugeza ubu muri Mali harabarirwa ingabo z’Umuryango w’Abibumbye 12,000.Abagera kuri 80 bakaba bamaze kwicirwa mu kazi.