Abantu 26 barasiwe mu rusengero i Texas

Amakuru   Yanditswe na: Nsanzimana Ernest 6 November 2017 Yasuwe: 456

Umuntu witwaje imbunda winjiye mu rusengero rw’Ababatisita kuri iki Cyumweru yica arashe abantu 26 muri Leta ya Texas muri Leta Zunze Ubumwe za Amerika

Ubwo bwicanyi bwabereye ahitwa Sutherland Springs, umujyi muto wo muri Texas, ahagana saa 17:30 ku isaha ngengamasaha ya GMT.

Guverineri w’iyo leta, Greg Abbott, yemeje urupfu rw’abo bantu, anavuga ko ari rwo rubayeho abantu barashwe ari benshi icyarimwe, mu mateka ya Texas.

Umuyobozi w’inzego z’umutekano muri Texas, Freeman Martin, yavuze ko abishwe bari hagati y’imyaka 2 na 72, hakaba n’abandi bantu 20 bakomeretse bahita bajyanwa mu bitaro. Abitabye Imana barimo n’umukobwa wa pasiteri w’urwo rusengero wari ufite imyaka 14.

Martin yavuze ko uwakoze ubwo bwicanyi ari umusore wari wambaye imyenda y’umukara winjiye mu rusengero afite imbunda, atangira kurasa akiri hanze kurinda ageze imbere mu rusengero.

BBC yatangaje ko umwe mu baturage yifashishije imbunda ye agatangira kurasa kuri uwo wagabye igitero, ahita yiruka agana mu modoka ye.

Uwo muturage ngo yamukurikiranye maze uwo mwicanyi arahunga, atwara imodoka nabi iza kurenga umuhanda. Polisi yaje kwemeza ko uwagabye icyo gitero yasanzwe yapfuye azize ibikomere by’amasasu, gusa ntiyemeje niba yirashe cyangwa yishwe n’umuturage wamukurikiranye.

Inzego z’iperereza kandi ntiziratangaza impamvu yatumye uyu musore agaba igitero mu rusengero.

Byaje gutangazwa ko amazina ye ari Devin P Kelley w’imyaka 26 wahoze mu ngabo zirwanira mu kirere, ariko ubu akaba yarasezerewe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuhanzi Bob Wine agiye kugezwa imbere y’ urukiko rwa gisirikare

Guverinoma ya Uganda, Gen Moses Ali, yatangaje ko kuri uyu wa Kane Depite...
16 August 2018 Yasuwe: 792 0

Igitero cy’ iterabwoba mu Bwongereza cyahagaritse imirimo y’ Abadepite

Umugabo yatawe muri yombi akekwaho ibyaha by’iterabwoba nyuma yuko imodoka...
14 August 2018 Yasuwe: 878 0

Umuhanda uca mu kirere mu Butaliyani wacitsemo kabiri 20 barapfa

Mu gihugu cy’ Ubutaliyani kuri uyu wa 14 Kanama habaye impanuka ikomeye y’...
14 August 2018 Yasuwe: 2396 0

Umuryango wa Bobi Wine uri mu bwoba, umushoferi wabo yarashwe

Umuryango wa Robert Kyagulanyi benshi bazi nka Bobi Wine izina yamamayeho...
14 August 2018 Yasuwe: 1957 0

Umwana wenyine niwe warokotse impanuka y’ indege muri Indonesia

Umwana w’umuhungu w’imyaka 12 y’amavuko ni we wenyine wasanzwe ari muzima mu...
12 August 2018 Yasuwe: 2727 0

Amagambo ya nyuma umugabo wibye indege muri Amerika yavuze yashyizwe...

Abategetsi bavuze ko umugabo wibye indege irimo ubusa ku kibuga cy’indege...
12 August 2018 Yasuwe: 3894 0