skol
startimes

Abanyamerika bateguye imyigaragambyo ikomeye yo kwamagana ivangura n’urugomo rukomeje gukorerwa abirabura

Amakuru   Yanditswe na: Dusingizimana Remy 28 August 2020 Yasuwe: 1173

Uyu munsi, abantu ibihumbi n’ibihumbi barateganya gukora imyigaragambyo I Washington D.C., umurwa mukuru wa Leta zunze ubumwe z’Amerika, bagamije kwamagana ivanguramoko n’urugomo rwa polisi ku baturage b’Abirabura.


Aba baturage barakora imyigaragambyo yabo ku munsi w’isabukuru y’ijambo ryinjiye mu mateka “I Have A Dream” ry’icyamamare mu mpirimbanyi z’uburenganzira bwa muntu Pasitoro Martin Luther King.

I Have A Dream bishatse kuvuga ngo "Mfite inzozi." Yarivuzemo ibyiringiro yari afite by’uko amaherezo ivanguramoko rizacika, rigaha umwanya uburinganire bw’amoko, muri Leta zunze ubumwe z’Amerika.

Imyigaragambyo y’uyu munsi irakoranira aho yavugiye iri jambo ku tariki ya 28 y’ukwa munani 1963. No mu bayiteguye harimo n’umuhungu wa Martin Luther King, Martin Luther King III. Iyi myigaragambyo yo bayise ngo "Mudukureho ivi ryanyu ku bikanu byacu."

Birahera ku rupfu rw’Umwirabura George Floyd, ku itariki ya 25 y’ukwa gatanu, amaboko aboheye mu mugongo n’amapingu yubitse inda. Umupolisi w’Umuzungu yamwishe yamutsikamije ivi ku gakanu iminota irenga umunani, mu mujyi wa Minneapolis, muri leta ya Minnesota, mu burengerazuba bwo hagati bw’igihugu.

Urupfu rwa Floyd rwabaye intandaro y’imyigaragambyo ikomeye yo kwamagana ivanguramoko n’urugomo rwa polosi ku Birabura.

Imyigaragambyo y’uyu munsi irafatira kandi ku iraswa ry’Umwirabura Jacob Blake ku cyumweru gishize mu mujyi wa Kenosha, muri Leta ya Wisconsin, mu majyaruguru y’uburengerazuba bwo hagati. Umupolisi w’Umuzungu yamurashe amasasu menshi mu mugongo, arakomereka bikomeye, ariko ntiyapfa.

Abayiteguye basobanura ko bagamije kwerekana ko "impinduka zikenewe byihutirwa, kwamagana urugomo rushingiye ku moko, no gusaba kurengera uburenganzira bwo gutora."

Bateganyije kandi gutumira imiryango y’Abirabura bishwe n’abapolisi: George Floyd, Breonna Taylor, Rayshard Brooks, Ahmaud Arbery, Trayvon Martin, Eric Garner, uwa Jacob Blake, n’abandi.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cameroon: Abasirikare bafunzwe kubera kwica abagore n’abana bigafatwa kuri...

Abasirikare bane bo muri Cameroun bakatiwe gufungwa imyaka 10 kubera...
22 September 2020 Yasuwe: 657 1

Umugore ukekwaho koherereza Trump ibaruwa irimo uburozi yafashwe

Umugore ukekwaho kohereza ibaruwa irimo uburozi kuri Perezida Donald Trump...
21 September 2020 Yasuwe: 1116 0

Amerika yongereye ingabo muri Syria nyuma yo gukozanyaho n’Uburusiya

Amerika yongereye abasirikare isanzwe ifite muri Syria nyuma yuko...
19 September 2020 Yasuwe: 2693 0

Uganda: Imfungwa 200 zatorotse gereza ziba n’imbunda za Leta

Abategetsi bavuga ko imfungwa zirenga 200 zaraye zitorotse gereza yo mu...
17 September 2020 Yasuwe: 1308 0

Inyeshyamba zirwanya ubutegetsi bw’u Burundi ziyemeje kubuhirika ku...

Inyeshyamba zo mu mutwe wa Red Tabara zatangaje ku mugaragaro ko zigiye...
16 September 2020 Yasuwe: 4618 0

Perezida Trump yongeye guha gasopo Iran ivugwaho gushaka gukora mu jisho...

Perezida Donald Trump wa Leta Zunze Ubumwe z’Amerika yasezeranyije "gukuba...
15 September 2020 Yasuwe: 928 0