Abanyarwanda ibihumbi 14 baba muri Uganda bagiye kwirukanwa

Amakuru   Yanditswe na: Nsanzimana Ernest 16 November 2018 Yasuwe: 2574

Guverinoma ya Uganda irimo gutegura umugambi wo kwambura ubuhunzi Abanyarwanda ibihumbi n’ ibihumbi bayirimo nk’ impunzi.

Minisitiri wa Uganda ufite impunzi mu nshingano ze Hellary Onek yabibwiye abadepite b’ Umuryango w’ Afurika y’ Iburasirazuba ubwo bari bateraniye I Kampala.

Hon. Onek yavuze guverinoma y’ iki gihugu irimo gushaka gukuriraho Abanyarwanda sitati y’ ubuhunzi ikaba uburenganzira bw’ igihe gito bwo kuba muri Uganda.

Yagize ati Tugiye kubajyana mu ishami rishinzwe abinjira n’ abasohoka, iri shami rikurikize icyo amategeko ateganyiriza abimukira. Ishami rishinzwe abinjira n’ abasohoka ritanga icyangombwa cy’ amezi 3 yo kuba muri Uganda nk’ umwimukira wayarenza ugasabwa ibisobanuro by’ impamvu uri ukiri muri Uganda”

Minisitiri Onek avuga ko izi mpunzi kuzihindura abimukira ari urugamba rutoroshye kuko abenshi muri zo batabisha. Aba banyarwanda bagiye muri Uganda mu myaka irenga 20 ishije bahunze Jenoside yakorewe abatutsi mu 1994.

Imyaka irenga 20 irashize u Rwanda rutekanye, bamwe mu Banyarwanda bari barahungiye mu bihugu by’ amahanga Leta y’ u Rwanda yabahamagariye gutaha mu gihugu cyabo, bamwe barataha abandi basigarayo. Leta y’ u Rwanda mu mwaka ushize wa 2017 yakuyeho sitati y’ ubuhunzi ku Banyarwanda bisobanuye ko nta munyarwanda yemerera kwitwa impunzi.

Mu gihugu cya Uganda habarirwa Abanyarwanda ibihumbi 14 bakibamo nk’ impunzi nk’ uko Dail Monitor yabitangaje.

Aba banyarwanda bagiye kwirukanwa mu gihe hashize igihe kirenga umwaka ibi bihugu byombi bifitanye umubano utifashe neza ndetse n’ imbaraga zakoresheje mu kunoza uyu mubano nta musaruro ugaragara ziratanga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ONU yashyize hanze imigambi ya Kayumba Nyamwasa n’u Burundi k’u...

Raporo y’inzobere z’umuryango w’abibumbye zikorera muri Repubulika iharanira...
3 January 2019 Yasuwe: 11197 1

Umugabo wabatirizwaga mu ruzi mu mujyi wa Accra yaburiwe irengero

Mu gihugu cya Ghana, umugabo w’ imyaka 20 wabatirizaga mu ruzi rwa Densi mu...
14 December 2018 Yasuwe: 1991 0

Umunyamakuru Jamal Khashoggi uherutse kwicwa, yashyizwe mu dashyikirwa...

Umunyamakuru Jamal Khashoggi wo muri Arabie Saoudite, uherutse kwicirwa...
12 December 2018 Yasuwe: 845 0

Aya niyo magambo ya nyuma umunyamakuru Khashoggi yavuze ataraca

Umunyamakuru Jamal Khashoggi uherutse kwicirwa muri ambasade ya Arabia...
10 December 2018 Yasuwe: 4222 1

Abantu 17 biciwe mu bitero bibiri mu Burasirazuba bwa Kongo

Ibiro Ntaramakuru by’ Abafaransa AFP byatangaje ko nibura abantu 17 biciwe...
8 December 2018 Yasuwe: 715 0

Umupolisi ukomeye mu Burundi yatawe muri yombi nyuma yo kurasa umugore...

Majoro Nduwimana Prime arashinjwa kwica umugore we amurashishije imbunda...
5 December 2018 Yasuwe: 2989 1