skol
startimes

Abasirikare batatu b’u Burundi baraye biciwe muri Centrafrique

Amakuru   Yanditswe na: Dusingizimana Remy 26 December 2020 Yasuwe: 5070

Abasirikare b’Abarundi bari mu ngabo zagiye kubungabunga amahoro muri Centrafrique baraye bishwe "n’abarwanyi bitwaje intwaro bataramenyekana", nk’uko itangazo ry’Ishyirahamwe mpuzamahanga ONU ribivuga.


Ikusanyirizo ry’amakuru AFP rivuga ko iki gitero cyabaye hashize akanya gato ihuriro ry’imitwe irwanya ubutegetsi ritangaje ko rihagaritse agahenge mu gihe buracya haba amatora y’umukuru w’igihugu kuri iki cyumweru.

U Burundi bwohereje ingabo 760 muri Centrafrique mu rwego rwa MINUSCA (Mission multidimensionnelle Intégrée des Nations Unies pour la Stabilisation en République Centrafricaine) mu ntumbero yo kugarura amahoro muri icyo gihugu kimaze mu ntambara imyaka itari mike.

Iri tangazo ryaraye risohowe n’umuvugizi w’umunyamabanga mukuru wa ONU rivuga ko ibi bitero ku ngabo za ONU n’iza Centrafrique byabereye mu karere ka Dékoa kari mu ntara ya Kémo, hamwe no mu karere ka Bakouma mu ntara ya Mbomou.

Rigira riti: "Umunyamabanga mukuru yamaganye yivuye inyuma ibitero byakozwe uyu munsi n’abarwanyi batamenyekanye ku ngabo za Centrafrique n’iza MINUSCA".

Ingabo zishinzwe kubungabunga amahoro 3 zikomoka mu Burundi zishwe abandi babiri barakomereka i Dékoa".

Umunyamabanga mukuru wa ONU yihanganishije imiryango yabuze,Abarundi hamwe na Leta y’Uburundi, akibutsa ko gutera ingabo za ONU zishinzwe kubungabunga amahoro n’umutekano bishobora kuba ibyaha byo mu ntambara.

Asaba abategetsi ba "Centrafrique gukora amaperereza no guhangana byihutirwa abakoze ubu bugizi bwa nabi".

Iki gitero kibaye mu gihe abaturage barimo kwitegurira amatora y’umukuru w’igihugu n’abadepite, aho umukuru w’icyo gihugu Faustin-Archange Touadera ashaka gusubira kuyobora indi manda ndetse niwe uhabwa amahirwe menshi muri 17 barimo kwiyamamariza uwo mwanya.

Yatanze umuburo avuga ko ibitero nk’ibi ku ngabo za Loni ziri mu butumwa bwo kubungabunga amahoro “bigize icyaha cy’intambara” ku muntu uwo ariwe wese ubigaragaramo.

Hashize iminsi Perezida Faustin Archange Touadéra w’imyaka 63 ashinja François Bozizé yasimbuye gushaka guhirika ubutegetsi. Bozizé yafatiwe ibihano na Loni, bituma atemererwa kuba mu bahatanira umwanya w’Umukuru w’Igihugu muri aya matora.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Koreya ya Ruguru yamuritse misile zidasanzwe zirasirwa hasi mu...

Koreya ya Ruguru yamuritse ubwoko bushya bwa misile ziraswa kure zivuye...
15 January 2021 Yasuwe: 4117 0

Centrafrique: Umusirikare w’u Rwanda wo mu ngabo za UN yaguye mu mirwano...

Umusirikare w’umunyarwanda uri mu butumwa bw’amahoro bwa UN muri Centrafrique...
13 January 2021 Yasuwe: 6025 0

Lt.Colonel Butera wari umujyanama mu bya Gisirikare muri FLN yishwe na...

Lt.Colonel Butera Didier wahoze ari umukinnyi wa Mukura Victor Sport mu...
10 January 2021 Yasuwe: 5928 0

US: Abashyigikiye Trump bateye ingoro y’inteko ishinga amategeko bane...

Abantu bane bapfiriye mu myigaragambyo y’abashyigikiye Perezida Donald Trump...
7 January 2021 Yasuwe: 4453 0

Perezida Trump yahagaritswe gukoresha Twitter na Facebook

Donald Trump yahagaritswe by’agateganyo gukoresha imbuga za Twittter na...
7 January 2021 Yasuwe: 3549 0

Centrafrique: Ingabo z’u Rwanda zikomeje guhangana n’ inyeshyamba zishaka...

Umutwe wihariye w’Ingabo z’u Rwanda hamwe n’iz’u Burusiya ziri muri...
3 January 2021 Yasuwe: 7546 0