Mu gihugu cya Mexique muri Amerika ubuyobozi bwafashe ikamyo yari ipakiyemo abimukira barenga 200 batagira icyo kunywa n’ icyo kurya.
Leta ya Mexique yatangaje ko basanze abagore, abana n’ abagabo batsindagiye inyuma mu ikamyo mu ntara ya Tamaulipas mu majyaruguru ya Texas.
Amakuru avuga ko bari bavuye i Guatemala, Honduras n’i El Salvador bagana igihugu cya Leta zunze Ubumwe z’ Amerika.
Abantu batatu bafashwe bashinjwa gucuruza abantu. Abapoli bo muri Mexique bavuga ko iyo kamyo (...)

Sponsored Ad

Mu gihugu cya Mexique muri Amerika ubuyobozi bwafashe ikamyo yari ipakiyemo abimukira barenga 200 batagira icyo kunywa n’ icyo kurya.

Leta ya Mexique yatangaje ko basanze abagore, abana n’ abagabo batsindagiye inyuma mu ikamyo mu ntara ya Tamaulipas mu majyaruguru ya Texas.

Amakuru avuga ko bari bavuye i Guatemala, Honduras n’i El Salvador bagana igihugu cya Leta zunze Ubumwe z’ Amerika.

Abantu batatu bafashwe bashinjwa gucuruza abantu. Abapoli bo muri Mexique bavuga ko iyo kamyo yahagarikiwe kuri bariyeri hanyuma ibyuma bipima bikerekana ko iyo kamyo ikapiyemo abantu. Nta mazi, nta n’ amafunguro abo bantu bari bafite.
Abategetsi bavuga ko abagera ku makubyabiri na bane muri bo ari abana batari kumwe n’ababyeyi.

Mu kwezi gushize abantu barenga 170 batagira ibibaranga bo muri Amerika yo hagati barapfungiwe mu ntara za Coahuila na Tamaulipas.

Guatemala, Honduras na El Saalvador ni byo bihugu bikunze kuvamwo abimukira bashaka kwinjira rwihishwa muri Leta zunze z’Amerika.
Perezida Donald Trump yariyemeje gutuza abimukira baba abaje mu mategeko cyangwa abatayakurikije, kandi akomeje umugambi we udashigikiwe na bose wo kubaka uruhome ku rubibi rwa Mexique na Leta zunze ubumwe z’ Amerika.