Amerika yafashije Uburusiya mu kuburizamo iterabwoba
Itangazamakuru mu Burusiya riravuga ko amakuru yatanzwe n’ibiro by’ubutasi bya Amerika yafashije inzego z’umutekano mu kuburizamo igitero cyategurwaga kuri katedalari ya St Petersburg.
Abategetsi baravuga ko icyo gitero cyategurwaga kuba ku wa gatandatu.
Biravugwa ko ibiro bya perezida w’uburusiya bizwi nka Kremlin, byavuze ko perezida Vladimir Putin yashimiye perezida Donald Trump kubera ubufasha bwa CIA.
Bwana Putin yasezeranyije (...)

Sponsored Ad

Amerika yafashije Uburusiya mu kuburizamo iterabwoba

Itangazamakuru mu Burusiya riravuga ko amakuru yatanzwe n’ibiro by’ubutasi bya Amerika yafashije inzego z’umutekano mu kuburizamo igitero cyategurwaga kuri katedalari ya St Petersburg.

Abategetsi baravuga ko icyo gitero cyategurwaga kuba ku wa gatandatu.
Biravugwa ko ibiro bya perezida w’uburusiya bizwi nka Kremlin, byavuze ko perezida Vladimir Putin yashimiye perezida Donald Trump kubera ubufasha bwa CIA.

Bwana Putin yasezeranyije kuburira abategetsi ba Amerika inzego z’umutekano z’Uburusiya nizigira amakuru nk’aya zimenya y’ibitero bitegurwa kuri Amerika.

Mu itangazo ryasohowe n’inzego z’umutekano z’Uburusiya ku wa Gatanu, zavuze ko zataye muri yombi abantu barindwi bari mu gatsiko k’umutwe wa kiyisilamu wa islamic State ndetse zinatahura intwaro nyinshi.

Itangazo ryasohotse mu Kirusiya, rivuga ko igitero cyari kugabwa ahantu h’ikoraniro ry’idini kikica abasivile ku wa Gatandatu.

Uwo mutwe wateguraga ubwiyahuzi bwo kurimbura katedalari ya Kazan n’ahandi hantu hazwi cyane mu mujyi wa kabiri ukomeye mu Burusiya.