Amerika yarashe “Nyina w’ amabombe yose” ku barwanyi ba ISIS bari muri Afghanistan

Amakuru   Yanditwe na: 14 April 2017 Yasuwe: 2308

Igisirikare cya Leta zunze ubumwe z’ Amerika cyatangaje ko cyakoresheje bombe nini cyane ipima toni 11 mu kurasa ku barwanyi b’ umutwe witwara kiyisilamu uri ahitwa Nangarhar mu gihugu cya Afghanistan

Iyo bombe yakoreshejwe yitwa ‘GBU-43’ cyangwa ‘Massive Ordnance Air Blast (MOAB)’, yahawe akabyiniriro ka “Nyina w’ amabombe yose” “Mother of all bombs”. Niyo ntwaro nini kurusha izindi mu ntwaro zitari iz’ ubumara.

Ikinyamakuru CBS news dukesha iyi nkuru cyatangaje ko iyo bombe yarashwe ku nzu yo munsi y’ ubutaka ibamo abarwanyi ba Islamic State. Iki kinyamakuru gikomeza kivuga ko iki gisasu cyarashwe tariki 13 Mata kikazamura umwotsi mwinshi w’ umukara mu kirere.

General John Nicholson, Komanda w’ igisirikare cya Leta zunze ubumwe z’ Amerika wategetse ko iyo bombe ikoreshwa yavuze ko mu gace iyo bombe yarashwemo habarirwa abarwanyi ba ISIS bari hagati ya 600 na 800.

Perezida wa Leta zunze ubumwe z’ Amerika Donald Trump yavuze ko icyo gitero cyabyaye umusaruro w’ akataraboneka.

Ati “Indi misiyo ibyaye umusaruro w’ akataraboneka. Buri wese azi icyabaye. Dufite igisirikare gikomeye mu Isi kandi kirimo gukora akazi kacyo. Twagihaye uburenganzira busesuye kandi kirimo gukora”

Iki gitero cyagabwe ku barwanyi ba ISIS nyuma y’ igihe gito umusirikare wa Amerika yiciwe muri Afghanistan. Umubare w’ abahitanywe n’ iki gitero ntabwo uratangazwa.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Igiporisi cya Kenya cyahitanye babiri bari mu myigaragambyo

Abatavugarumwe n’ubutegetsi mu gihugu cya Kenya babiri bari mu myigaragambyo...
13 October 2017 Yasuwe: 1185 0

Somalia: Minisitiri w’Ingabo n’umugaba mukuru beguriye icyarimwe

Ubutegetsi bw’Igihugu cya Somalia batangaje ko Minisitiri w’ingabo,...
13 October 2017 Yasuwe: 1995 0

Perezida Museveni yahinduranyije ubuyobozi bw’ingabo za Uganda

Kuri uyu wa mbere tariki ya 09 Ukwakira 2017 Perezida wa Uganda, Yoweli...
10 October 2017 Yasuwe: 2498 0

Umusirikare umwe wa ONU yiciwe muri Congo abandi barakomereka

Umutwe w’Umuryango w’abibumbye ONU ushinzwe kugarura umutekano muri Republika...
9 October 2017 Yasuwe: 729 0

Accra yibasiwe n’iturika rya gaz ryahitanye batatu

Muri Ghana abantu batatu bahitanywe n’ibintu byaturitse cyane mu murwa...
8 October 2017 Yasuwe: 579 0

Malia Obama habuze gato ngo abe mu nzirakangane zishwe n’ umwicanyi w’ I Las...

Stephen Paddock warashe akica abantu 59 mu gitero cyabereye I Las Vegas...
8 October 2017 Yasuwe: 7751 0